Stipendionet Çivning janë të orientuara drejt më shumë sferave dhe disiplinave, të cilat mund të përballojnë ndryshime çdo vit:

			shkencat politike, qeveria dhe marrëdhëniet ndërkombëtare;
			administrata publike dhe politika sociale;
			bankaerizmi, finansat dhe ekonomia;
			biznesi dhe menaxhmenti (përveç MBA);
			shkencat sociale (përfshirë edhe të drejtat njerëzore);
			siguria dhe mbrojtja ndërkombëtare;
			drejtësia dhe punët e brendshme.

Stipendioni i mbulon studimet njëvjeçare pasdiplomike vetëm në Mbretërinë e Bashkuar dhe plus:

			gratis vizën studentore;
			harxhimet akademike;
			kompenzimin mujor për mbulimin e harxhimeve për jetesë;
			kompenzimin për arritje dhe shkuarje nga vendi si ndihmë gjatë udhëtimit;
			kompenzimin për libra dhe veshmbathje;
			harxhimet e rrugës deri në Mbretërinë e Bashkuar dhe kthim prapa.

Vërejtje: Stipendioni Çivning nuk i mbulon studimet deridiplomike dhe ato të doktoraturës.

Çivning stipendioni është prestiogj. Kandidati i suksesshëm duhet:

			të jetë student i diplomuar, i cili mundet ta vërtetojë suksesin e vet akademik dhe të ketë më së paku përvojë 3-vjeçare në sferën e zgjedhur;
			të shpreh vullnet se do të kthehet në Maqedoni dhe do të jep kontributin e vet në zhvillimin socioekonomik të vendit, përmes shfrytëzimit të shkathtësive dhe diturive të nxëna në Mbretërinë e Bashkuar;
			të tregojë interes për udhëheqje të mirë, mediume, si dhe interese politike, diplomatike dhe komerciale në Maqedoni;
			të tregojë se posedon kualitete personale, se do të ketë benifit nga stipendioni dhe do të jetë i suksesshëm në sferën e zgjedhur;
			të tregojë se ka vizion të qartë se si diturinë e nxënë do ta shfrytëzojë në Maqedoni, pas kthimit të tij dhe të tregojë se është i aftë të ngritet në pozicione më të larta dhe më me ndikim në sektorin privat ose ate shtetëror;
			mirë ta njoh gjuhën angleze (minimum nota 6.5 e IELTS) për pranim në studimet pasdiplomike në Mbretërinë e Bashkuar. Për më shumë informacione për IELTS testin, vizitoni veb faqen tonë;

			Paraqitja bëhet VETËM përmes rrugës elektronike, përmes sistemit të ri elektronik. Lexoni udëzimin i cili do t'ju mundësojë ta plotësoni fletëparaqitjen.
			Кandidatët të cilët nuk kanë kaluar IELTS testin, duhet në fletëparaqitje të futin „n/a” ose „TBC“  (Në mënyrë plotësuese do të konfirmohet);
			Në fletëparaqitje duhet t’i theksoni të dhënat e kontaktit nga personat që do t’ju japin udhëzimet. Ata janë persona me të cilët punoni në planin profesional dhe profesor nga fakulteti, ku e keni të kryer arsimimin tuaj;
			Në fletëparaqitje kërkohet t’i theksoni edhe sferat (kurset) dhe institucionet në të cilat dëshironi të studioni. Të gjithë kandidatëve i sugjerohet të konkurojnë në institucionet e theksuara, para se ta fitojnë stipendionin, sepse vendet për kurset më me prestigj plotësohen mjaft shpejtë. Më shumë informacione për kurset dhe institucionet mund t’i gjeni në EducationUK;
			Vërtetimi mjekësor do të kërkohet nga kandidatët të cilët me sukses do ta kalojnë selektimin;
			Aplikacionet jo të plota dhe të vonuara nuk do të merren parasysh;
			Kandidatët të cilët do ta kalonin selektimin e parë do të ftohen t’i nënshtrohen IELTS testit në 14 janar 2012, në organizim të Këshillit britanik;
			Kandidatët të cilët do ta kalojnë selektimin do të ftohen në intervistë. Datat në mënyrë plotësuese do të shpallen.

Dokumentacioni i tërësishëm relevant (1 fotografi, vërtetim për provimet e dhëna dhe diploma – të përkthyera në gjuhën angleze, me vulë nga përkthyesi gjyqësor dhe 2 rekomandime, në gjuhën angleze ose të përkthyera nga përkthyesi gjyqësor), do të kërkohet vetëm nga kandidatët e suksesshëm në fazën e mëtutjeshme. Për këtë arsye, mos ofroni dokumentacion tjetër në periudhën e paraqitjes.

Ambasada Britanike e sjell vendimin përfundimtar për fituesit e stipendionit Çivning. Kandidatët vlerësohen në bazë të të arriturave akademike, të arriturave të gjeritanishme në planin akademik dhe profesional, rekomandimeve, potencialit udhëheqës dhe potencialit për thellimin e mëtutjeshëm të marrëdhënieve britaniko-maqedonase.

Këshilli britanik orvatet për mundësi të njejta për të gjithë qytetarët e Republikës së Maqedonisë dhe pret paraqitje nga të gjitha nacionalitetet. Të gjitha paraqitjet do të vlerësohen mbi baza të kriteriumeve për selektim të theksuara më sipër.

Vendimi i Këshillit është përfundimtar dhe nuk mund të vehet në dyshim. Këshilli britanik dhe Ambasada Britanike nuk janë të autorizuar të japin arsye për vendimin e marrë nga Këshilli.