British Council vlerëson diversitetin e Mbretërisë së Bashkuar dhe të vendeve të tjera në të cilat ai operon. Puna e British Council, duke qenë organizata për marrëdhënie kulturore e Mbretërisë së Bashkuar përfshin krijimin e marrëdhënieve me njerëz me prejardhje të ndryshme. Për rolin e British Council dhe në vijë me vlerat bazë të tij, është i qënsishëm angazhimi pozitiv me pasurinë e këtij diversiteti.

British Council është i angazhuar për të promovuar shanse të barabarta. Ne besojmë që Rregullorja për Diversitetin dhe Shanse të Barabarta na siguron që nuk duhet të ndodh asnjë diskriminim i pajustifikuar në rekrutimin, ruajtjen, trainimin dhe zhvillimin e stafit për shkak të gjinisë, gjendjes civile, identitetit gjinor, besimit fetar, bindjeve politike, racës, llojit të punës, moshës, paaftësisë ose statusit HIV/AIDS, prejardhjes social-ekonomike, dënimeve të mëparshme, aktivitetit apo anëtarësimit në sindikata të punëtorëve, ose për shkak të pasjes ose jo të familjarëve.

Ne besojmë që Rregullorja për Diversitetin dhe Shanse të Barabarta i mbështet punonjësit dhe ata të ardhshmit dhe i ndihmon të arrijnë dinjitetin në punë dhe kontribuon në sigurimin e një shërbimi më të mirë për klientët dhe partnerët tanë.

British Council do të zhvillojë më tej Rregulloren e tij për Diversitetin dhe Shanse të Barabarta përmes Strategjisë së Diversitetit dhe Skemës së tij të Integruar për Barazinë.