Chan eil anns an obair ach cù aimhleasach
nach gabh comhairle air cho àrd ’s a dh’ èigheas tu ris.
Chan fhuirich e, cha toir e leis iad,
gus am bi agad ris an treud a chruinneachadh thu fhèin.
Agus an gaol, uill ’s e tha sin ach cat leth-fhiadhaich
a bhios tu a’ biathadh aig amannan.
Falbhaidh e led bhàlla snàth agus reubaidh e d’ fhighe,
Gus am bi thu ga ruagadh air falbh.

Cha shaoileadh ach an dearg amadan no an naomh
gun laigheadh na dhà sìos còmhla.

Agus tha sinn air ar call leis na tha caillte
na facail nach tuirt sinn
na turasan nach do ghabh sinn
am biadh a chaidh a dheasachadh ’s nach deach ithe.
Ach, gun teagamh, nuair a thig am Breitheanas
tha an caillte cuideachd air chall
na staid foirfe neo-chrìochnaichte, tha e cho deamhnaidh math seachad

ris an dòrlach làithean a th’ againn
ris an t-slighe seachranach a ghabh sinn

ris an t-snàth briste.

Varg
translated into Gaelic by Ann Frater