Често поставувани прашања - Британски совет во Македонија

	ЧЕСТО ПОСТАВУВАНИ ПРАШАЊА

Без разлика дали сакате да учите надвор од вашата земја, да ја продлабочите вашата кариера или едноставно да го подобрите вашето познавање на англискиот јазик, можеме да ви помогнеме да се стекнете со квалификациите што ви се потребни. Ви нудиме низа акредитирани испити на Обединетото Кралство.

Нудиме одговори на најчесто поставуваните прашања во врска со испитите што ги спроведуваме. Ако не можете да го најдете одговорот на вашето прашање тука, прочитајте низ материјалите за испитите или пратете ни прашање по електронска пошта.

		ДАЛИ ТРЕБА ДА ПОСЕТУВАМ КУРС АКО САКАМ ДА ПОЛАГАМ ESOL ИСПИТ ИЛИ IELTS?

	Не, не е неопходно да посетувате курс. Зависи од кандидатот и како тој/таа ќе се подготвува за испитот.

		ШТО АКО СУМ БОЛЕН/БОЛНА НА ДЕНОТ НА ESOL ИСПИТОТ НА КЕМБРИЏ?

50% од надоместот ќе се рефундира, под услов барањето за рефундирање да биде придружено со изјава од лекар. Оваа потврда треба да ги содржи причините зошто кандидатот не бил во можност да присуствува на испитот. Треба да ја поднесете оваа потврда не подоцна од 7 дена по испитот.

		ШТО АКО СУМ БОЛЕН/БОЛНА НА ДЕНОТ НА IELTS ИСПИТОТ?

80% од надоместот ќе се рефундира, под услов барањето за рефундирање да биде придружено со изјава од лекар. Оваа потврда треба да ги содржи причините зошто кандидатот не бил во можност да присуствува на испитот. Треба да ја поднесете оваа потврда не подоцна од 7 дена по испитот.

		КОЛКАВ Е ПЕРИОДОТ НА ВАЖНОСТ НА КЕМБРИЏ ESOL СЕРТИФИКАТОТ?

	Испитите за англиски јазик како сертификати за странски јазик на Универзитетот во Кембриџ се трајно важечки.

		КОЛКАВА ВАЖНОСТ ИМААТ РЕЗУЛТАТИТЕ ОД IELTS ИСПИТОТ?

	IELTS има важност од 2 години.

		ДАЛИ МОЖЕ ДА СЕ ВРШИ ТРАНСФЕР ОД ЕДНА ИСПИТНА СЕСИЈА ВО ДРУГА ИЛИ ОД ЕДНО ВО ДРУГО НИВО?

	Не е дозволен трансфер од еден испитен датум во друг или од едно во друго ниво.

		ДАЛИ Е ДОЗВОЛЕНО КОРИСТЕЊЕ РЕЧНИЦИ ЗА ВРЕМЕ НА ИСПИТОТ?

	Не. Секој кандидат што ќе користи или ќе се обиде да користи речник или алатка за проверка на спелинг ќе биде дисквалификуван.

		КАКО И КОГА КАНДИДАТИТЕ ГИ ДОБИВААТ РЕЗУЛТАТИТЕ ОД ИСПИТОТ И НИВНИТЕ СЕРТИФИКАТИ? ШТО АКО ГО ЗАГУБАМ МОЈОТ СЕРТИФИКАТ?

ESOL Потврдите за резултатите на Кембриџ се испраќаат два месеци по одржување на испитот. Кандидатите може, исто така, да ги проверат своите резултати на интернет кога истите ќе бидат објавени од Кембриџ ESOL. Сертификатите се издаваат на кандидатите што положиле во рок од 1.5 месеци од објавувањето на потврдите со резултати на официјална церемонија организирана од Британскиот совет. Ако кандидатот не може да дојде на церемонијата, сертификатот може да го земе од Британскиот совет.

Ако го загубите својот Кембриџ ESOL сертификат, можете да побарате Заверена потврда за резултатите за која треба да платите дополнителен надомест.

		ДАЛИ Е МОЖНО ДА ГО ПРОВЕРАМ МОЈОТ ТЕСТ И ДА ГИ ВИДАМ СВОИТЕ ГРЕШКИ?

Не, бидејќи сите делови од тестот се испраќаат во Кембриџ ESOL во Обединетото Кралство. Материјалите од кандидатите и другите работи што ги вршат како дел од испитот, остануваат сопственост на Кембриџ ESOL и не се даваат на кандидатите, училиштата или центрите што ги спроведуваат испитите.

		ДАЛИ МОРА ДА ЗАПОЧНАМ ОД НАЈНИСКОТО НИВО, СО ЦЕЛ ДА НАПРЕДУВАМ?

	Не, можете да се приклучите на кое било ниво од испитот кое ви одговара на вашите потреби и знаења.

		ДАЛИ МОЖЕ СЕ УШТЕ ДА СЕ РЕГИСТРИРАМ ЗА ИСПИТ ПО АНГЛИСКИ ЈАЗИК ПО ЗАВРШУВАЊЕТО НА КРАЈНИОТ РОК?

	Да, можете да се регистрирате и подоцна, но ќе мора да платите надомест за упис со задоцнување.

		КАКО ЌЕ ЗНАМ КОЕ Е ВИСТИНСКОТО НИВО ЗА МЕНЕ?

Можете да ги посетите интернет страниците на Кембриџ ESOL, да го преземете Прирачникот и примероците од тестот, да пробате да го решите и да проверите колку сте биле успешни и врз основа на тоа ќе одлучите на кое ниво се наоѓате.

		САКАМ ДА ЖИВЕАМ И СТУДИРАМ НАДВОР ОД МОЈАТА ЗЕМЈА. КОЈ ТЕСТ МИ Е ПОТРЕБЕН?

IELTS е специфициран за исполнување на условите за познавање на англискиот јазик за запишување на академски студии во поголемиот број институции и високото образование во Австралија, Ирска, Нов Зеланд, Јужна Африка и Обединетото Кралство и во моментот признат е од над 380 универзитети и колеџи во САД. Можете да пребарувате по IELTS базата на податоци на системот за глобално признавање, според институции или според бодувања.

Кембриџ ESOL испитите се признаваат од илјадници работодавачи, универзитети и колеџи, професионални тела и министерства и владини организации ширум светот. На страницата на Кембриџ ESOL. можете да најдете список на организации што ги користат Кембриџ ESOL испитите.

Ако планирате да учите, ви препорачуваме да се консултирате со вашиот универзитет за тоа кој тест ви е потребен.

		ДАЛИ МОЖЕТЕ ДА МИ ПРЕПОРАЧАТЕ ЈАЗИЧНО УЧИЛИШТЕ КАДЕ ШТО ЌЕ МОЖАМ ДА СЕ ПОДГОТВАМ ЗА ТЕСТОТ?

Ниту едно училиште во Македонија не е официјално „признато“, „акредитирано“ или „се препорачува“ од страна на Британскиот совет. Ако сакате да посетувате курс за подготовка за еден од Кембриџ ESOL испитите или IELTS испитот, можете да најдете список јазични училишта во Македонија што вршат подготовка на кандидати за Кембриџ ESOL испити.

		ИМАМ ФИЗИЧКА И ДРУГА ПОПРЕЧЕНОСТ. ДАЛИ СЕ УШТЕ МОЖАМ ДА ПОЛАГАМ?

Ако имате посебни потреби поради дислексија, зборување, слушање или визуелни потешкотии, известете го центарот за испитување по регистрацијата, така што ќе направиме посебни усогласувања за вас. Вашето барање мора да биде придружено со медицински доказ.

		ДАЛИ МОЖЕ ДА ГО ПРОМЕНАМ ИСПИТОТ ОТКАКО ЌЕ СЕ РЕГИСТРИРАМ? ДАЛИ МОЖЕ ДА ОТКАЖАМ ТЕСТИРАЊЕ И ДА ГИ ПОВРАТАМ СРЕДСТВАТА?

Датумите за писмените делови од Кембриџ ESOL испитите (FCE, CAE, CPE и BEC) – делови 1, 2 и 3 се однапред определени од Универзитетот Кембриџ. Тие се фиксни и не може да се менуваат. Датумите за деловите Слушање и Пишување за FCE, CAE, CPE и BEC ги утврдува Британскиот совет.

Можеме да прифатиме навремени барања за промени, единствено за сериозни и оправдани причини, под услов да има слободно време на датумите кога се полагаат деловите Слушање и зборување. Ако кандидатот има проблеми со датумот за делот Слушање/Зборување, тој/таа мора веднаш да го извести Британскиот совет.

		КАКО СЕ ОЦЕНУВААТ ИСПИТИТЕ И КОЈ ГО ВРШИ ТОА?

Тим високообучени испитувачи ги оценуваат тестовите.

Писмениот дел на тестот го оценуваат испитувачи во Кембриџ, а делот Зборување го оценуваат локални испитувачи на Кембриџ ESOL. Сите испитувачи поминуваат строг процес на селекција и темелна обука. Исто така тие редовно се координираат за да осигурат дека оценувањето е според утврдените стандардите. Сите оценки се проверуваат два пати за да се елиминира можноста за грешка. Одреден процент испити се оценуваат и по трет пат од Водачот на испитувачкиот тим во Кембриџ.

		КОЛКУ СТРОГО СЕ ОЦЕНУВА IELTS?

Кандидатите треба да внимаваат кога ги пишуваат одговорите во делот слушање и читање, бидејќи се казнуваат погрешно напишаните зборови. Се прифаќа и британскиот и американскиот спелинг.

Ако од кандидатот се бара да одговори користејќи одредени зборови и/или броеви, истите ќе бидат казнети ако го надминат или неисполнат овој услов. Во прашањата каде што од кандидатите се очекува да пополнат празно место, кандидатите треба само да го стават зборот што недостасува во листот за одговори. Кандидатите треба внимателно да ги прочитаат и следат упатствата и прашањата. Особено во делот Слушање, треба да внимаваат кога ги пишуваат одговорите во листот за одговори.

		ШТО ЌЕ СЕ СЛУЧИ АКО ДОЦНАМ НА ИСПИТОТ?

Ако задоцните на кој било дел од испитот, јавете се кај надлежното лице за надзор или контролорот. Може нема да ви биде дозволено да го полагате испитот; ако ви дозволат, може нема да биде прифатена целата ваша работа или може ќе треба да го пополните тестот во остатокот од времето. Нема да ве примат на делот Слушање во кои било од испитите.

		КАКВА ПОМОШ МИ Е ДОСТАПНА АКО СУМ ЛИЦЕ СО ПОСЕБНИ ПОТРЕБИ?

Ние вршиме напори да ги услужиме и кандидатите со посебни потреби, да им овозможиме најдобро да ги разберат прашањата и задачите и да ги дадат своите одговори. Наша цел за јазичното ниво е сите кандидати правично и објективно да бидат оценети. Кандидатите со траен хендикеп, како што се проблеми со слух и вид, дислексија или проблеми со говорот; или краткотрајни потешкотии (на пример, скршена рака) може да имаат потреба од изменети испити, лица што ќе ги читаат или дополнително време. Ако ви треба модифицирана верзија на тестот, на пр. тест со Брајово писмо, треба да не известите три месеци однапред. Овој период за известување е потребен за подготовка на модифицираната верзија на тестот. Ако имате потреба од посебни административни усогласувања, на пр. дополнително време, мора да не известите шест месеци однапред. Целосни детали за ваквите усогласувања можете да најдете на интернет страницата на IELTS и ESOL.