Учете англиски јазик во Обединетото Кралство - Образование

Регистрирајте се на нашите бесплатни електрoнски билтени

Образование



		Средно образование


		Додипломски студии


		Постдипломски студии


		Учете англиски јазик во Обединетото Кралство

	Учете англиски јазик во Обединетото Кралство

Обединетото Кралство е светски лидер во подучување англиски јазик. Над 600.000 луѓе секоја година одат во Обединетото Кралство за да го научат јазикот во неговата природна средина. Зошто да не им се придружите? Во делот за најчесто поставувани прашања ќе дознаете повеќе за јазичните училишта во Обединетото Кралство, достапните курсеви и другите потребни информации. Доколку ви требаат повеќе информации, слободно контактирајте со нас.

		САКАМ ДА ПОСЕТУВАМ КУРС ПО АНГЛИСКИ ЈАЗИК ВО БРИТАНИЈА. ДАЛИ МОЖЕ ДА МИ ИСПРАТИТЕ СПИСОК СО УЧИЛИШТА ЗА ИЗУЧУВАЊЕ АНГЛИСКИ ЈАЗИК?

Може да ја користите базата на податоци на English in the UK(Англиски јазик во Обединетото Кралство) на Интернет, којашто вклучува училишта за изучување на англискиот јазик што се акредитирани од Британскиот совет. Интернет-страницата вклучува функција за пребарување, така што ќе може да барате училишта, на пример, според видот на курсот и локацијата.

		ДАЛИ НУДИТЕ КУРСЕВИ ЗА АНГЛИСКИ ЈАЗИК ВО БРИТАНСКИОТ СОВЕТ ВО МАКЕДОНИЈА?

	Не, не нудиме курсеви за англиски јазик во Б.ританскиот совет во Македонија

КОЛКУ ВО ПРОСЕК БИ ЧИНЕЛ ЕДЕН КУРС?

Тоа зависи од неколку фактори, како што се: видот, времетраењето и локацијата на курсот. На пример: општ курс по англиски јазик што вклучува 15 часа предавања во текот на една седмица и сместување со еден цел ден и половина ден екскурзија во текот на седмицата во градот Саутемптон во јужниот дел на Англија чини од 244 - 250 фунти седмично. За овој и други примери, одете на Интернет-страницата English UK.

		ДАЛИ МОЖЕ ДА ЖИВЕАМ ВО БРИТАНСКО СЕМЕЈСТВО ВО ТЕКОТ НА КУРСОТ?

	Многу јазични училишта што се акредитирани од Британскиот совет обезбедуваат сместување во семејства за нивните ученици. За повеќе информации, посетете ја Интернет-страницата English UK .

		ДАЛИ МОЖЕ ДА МИ ПРЕПОРАЧАТЕ НЕКОЕ КОНКРЕТНО УЧИЛИШТЕ ЗА ИЗУЧУВАЊЕ АНГЛИСКИ ЈАЗИК?

Британскиот совет има акредитирано голем број јазични училишта во Обединетото Кралство и затоа не може да ви препорачаме само едно училиште.

Акредитиран“ значи дека училиштата редовно се предмет на инспекција со цел да се осигури дека истите ги задоволуваат стандардите за квалитет. Посетете ја Интернет-страницата Education UK ќе најдете најразлични категории за пребарување што ќе ви помогнат да го најдете јазичното училиште што им одговара на вашите потреби.

КАДЕ МОЖЕ ДА НАЈДАМ ИНФОРМАЦИИ ЗА ЛЕТНИ УЧИЛИШТА И ЛЕТНИ КАМПОВИ?

Терминот летно училиште опфаќа голем број теми. Некои летни училишта нудат само курсеви за англиски јазик, некои нудат курсеви за англиски јазик во комбинација со други активности, додека други се концентрираат само на англиска литература.

Летните кампови се наменети за млади луѓе што живеат заедно во камп или младински дом и учествуваат во спортски програми и други рекреативни активности. На следните Интернет-страници можете да најдете голем број информации за различните можности за вас или за вашето дете:

			Јазични училишта акредитирани од Британскиот совет
			Summer Academy Study Holidays
			British Activity Holiday Association ( летни кампови )
			Summerfun4kids

		ДАЛИ ЌЕ МИ ТРЕБА ВИЗА?

Да. Мора да добиете виза за Обединетото Кралство во Британската амбасада во Скопје пред вашето пристигнување во Обединетото Кралство. Доколку не сте сигурни за вашиот статус или ви требаат повеќе информации, посетете ја страницата https://www.visainfoservices.com/.