Մենք գործունեություն ենք ծավալում երկու հիմնական բնագավառներում: Գերազանցություն Միջազգային Գիտության մեջ ծրագիրը վերաբերում է նորարարություններին, որտեղ շեշտը դրվում է համագործակցության և հարստության ստեղծման վրա: Գիտության Ըմբռնումը Հասարակության մեջ ծրագիրը վերաբերում է գիտության համապատասխանությանը մշակույթի և սոցիալական բարեկեցության հետ: Ահա' մեր ծրագրերից մի քանիսը:
Բրիտանական խորհուրդը Հայաստանում փրկեց հայ և բրիտանացի հնեաբանների համագործակցությունը կործանումից՝ գնելով սավառնակ:
Քեմբրիջի համալսարանի Դոկտոր Ռոջ Փալմերը օդային հնեաբանության առաջնեկներից է. լուսանկարելով երկրի մակերևույթը մոտ 200 մետր բարձրությունից, հնարավորություն է տալիս հնեագիտական ապացույցներ ձեռք բերել մարդկային բնակավայրերի վերաբերյալ, որ անտեսանելի են երկրի մակերևույթից ուսումնասիրելիս: Նա կազմակերպել է իր աշխատանքը Հայաստանի հնեաբանների հետ, երկիր, որ հարուստ է հնագիտական արժեքներով:
Նախատեսվում էր վարձել հնացած Անտոնով տիպի օդանավ Հայաստանի ռազմական հաստատությունից, բայց վառելիքի համար ֆինանսավորում չկար: Նա դիմեց Հայաստանի Բրիտանական խորհուրդ, և մենք համաձայնվեցինք գնել անհրաժեշտ հատուկ տիպի վառելիքը՝ չգիտակցելով, որ Սովետական Միության անկումից ի վեր այդ վառելիքը անհնար էր հայթայթել:
Այնուհետև, ծնվեց սավառնակ գնելու գաղափարը: Ասթրիդ Լինդգրենի հեքիաթի Կարլսոնի նման, դա նշանակում էր մեջքին ամրացնել փոքրիկ շարժիչ ՝պտուտակով, և վազել այնքան արագ, որ հնարավոր լիներ օդ բարձրացնել պարաշյուտը և, հուսանք, ձեզ:
Առավել քիչ, քան երկու շաբաթվա ընթացքում, խումբը կարևոր հայտնագործություններ արեց: Հայաստանը ունի վաղ միջնադարյան ամրոցների մնացորդներ, որոնց մասին գրավոր վկայություններ կան: Բայց շատ քիչ, նույնիսկ ոչինչ հայտնի չէր այն մասին, թե ինչպես են այդ ամրոցները ապահովվել կյանքի համար անհրաժեշտ ապրանքներով: Սավառնակից արված լուսանկարները բացահայտեցին հնագույն ճանապարհների, դաշտավայրերի և ագարակների մնացորդներ: Վաղ առավոտյան կամ երեկոյան, երբ արևը մայր է մտնում, շրջապատող գետնից ընդամենը հինգ սանտիմետրով առանձնացող պատկերները հստակորեն երևում էին օդից:
Համագործակցելով Հայաստանի գիտնականների և գյուղատնտեսների հետ, մենք աջակցեցինք Հայաստանի կաթնամթերքի և մսի արտադրության ծրագրին՝ օգտագործելով առավել սննդարար վայրի անասնակեր խոշոր եղջրավոր անասունների և ոչխարների համար:
Հայաստանի Բրիտանական խորհրդի և ՆԱՏՕ-ի Խաղաղության ծրագիր 2003-ի արդյունքները ներկայացվեցին սեպտեմբերի վերջին, Գիտությունների Ակադեմիայի Էկոլոգիական Noosphere հետազոտությունների կենտրոնում:
| 
