Ջոն- Սմիթ-Հաճախ – տրվող – հարցեր – Բրիտանական

մեր մասին-Հաճախ տրվող հարցեր

IELTS - Հաճախ Տրվող Հարցեր

Կրթություն Միացյալ Թագավորությունում և անգլերեն - Հաճախ տրվող հարցեր

ՉԻՎՆԻՆԳ ԿՐԹԱԹՈՇԱԿ - ՀԱՃԱԽ ՏՐՎՈՂ ՀԱՐՑԵՐ

	Ջոն Սմիթի անվան ծրագիր - Հաճախ տրվող հարցեր


	Այն ամենը, ինչ հարկավոր է իմանալ

Խնդրում ենք սեղմել հարցին պատասխանը տեսնելու համար:

		Ի՞նչ է Ջոն Սմիթի անվան ծրագիրը:

Ջոն Սմիթի անվան կրթաթոշակը չորսշաբաթյա ծրագիր է, որն իրականացվում է յուրաքանչյուր տարի ամռանը Միացյալ Թագավորությունում: Ծրագրի նպատակն է խորացնել արդյունավետ կառավարման մշակույթը դասընթացների և ձևավորված ժողովրդավարության պայմաններում գործող կազմակերպություններում աշխատանքային փորձի յուրացման ճանապարհով: Կազմակերպիչները հոգում են ծրագրի բոլոր ծախսերը, բացառությամբ IELTS քննության վճարի: Ծրագիրը բաց է Հայաստանի, Ադրբեջանի, Վրաստանի, Ղրղզստանի, Մոլդովայի, Ռուսաստանի և Ուկրաինայի քաղաքացիների համար:

		Ո՞ր բնագավառներում է իրականացվում Ջոն Սմիթի անվան ծրագիրը:

Ջոն Սմիթի անվան ծրագիրը իրականացվում է հետևյալ բնագավառներում`

			առաջնորդության ոճերն ու գործնական կիրառումները
			քաղաքացիություն, օրենք և իրավունք
			քաղաքացիական հասարակություն և հասարակական կարծիք
			հանրային պատասխանատվությունը կառավարությունում, բիզնես և հասարակական կյանք

Մանրամասն տեղեկատվության համար այցելեք մեր կայքի համապատասխան բաժինը:

		Ե՞րբ է սկսվում եվ ավարտվում ծրագիրը:

	Ծրագրի տեւողությունը չորս շաբաթ է: Այն սկսվում է 2011 թվականի հունիսի 10-ին եւ տեւում մինչեւ հուլիսի 8-ը: Իմանալ ավելին:

		Ե՞րբ է հայտարարվում Ջոն Սմիթի անվան ծրագիրը:

	Ջոն Սմիթի անվան ծրագիրը հայտարարվում է յուրաքանչյուր տարի աշնանը, սովորաբար սեպտեմբերի վերջին հոկտեմբերի սկզբին: Ժամկետները կարող են փոփոխվել, ուստի խնդրում ենք պարբերաբար այցելել մեր կայքը:

		Կ՞ա արդյոք ծրագրի շարունակություն:

Միացյալ Թագավորությունում չորսշաբաթյա ծրագրից հետո ակնկալվում է, որ մասնակիցները կմշակեն սեփական ծրագրերը, որոնք կիրագործեն հայրենիքում: 12 ամիս անց մասնակիցները կրկին հավաքվում են Լոնդոնում` ներկայացնելու իրենց կատարած աշխատանքը և առաջընթացը: Բոլոր մասնակիցներից պահանջվում է մասնակցել այս համաժողովին որպես իրենց ծրագրի մի մաս:

		Ո՞վ կարող է դիմել ծրագրին:

Ջոն Սմիթի հիշատակի հոգաբարձուների խորհուրդը փորձում է ընտրել այնպիսի մասնակիցների , որոնք իսկապես կարող են ազդեցություն ունենալ իրենց երկրի հետագա զարգացման վրա: Մանրամասն տեղեկությունը մեր կայքի համապատասխան բաժնում:

		Ո՞Վ Է ՋՈՆ ՍՄԻԹԸ:

Ջոն Սմիթը Լեյբորիստական կուսակցության առաջանորդն էր: Նա հայտնի էր որպես ժողովրդավարության արժեքները դավանող քաղաքական գործիչ: Ջոն Սմիթի հիշատակի հոգաբարձուների խորհուրդը ստեղծվել է ` նպատակ ունենալով տարածել նրա գաղափաները եւ դրանք վերածել իրականության:

		Կարո՞ղ եմ դիմել ծրագրին, եթե նախկինում մասնակցել եմ, բայց առանց հաջողության:

	Այո: Եղել են դեպքեր, երբ թեկնածուներն արժանացել են կրթաթոշակին մրցույթին երկրորդ անգամ դիմելուց հետո:

		Կարո՞ղ եմ դիմել ծրագրին, եթե ազգությամբ հայ եմ, բայց ոչ Հայաստանի քաղաքացի կամ ապրում եմ Հայաստանից դուրս:

Ոչ: Հայաստանում համակարգվող Ջոն Սմիթի անվան ծրագիրը նախատեսված է միայն Հայաստանի քաղաքացիների համար: Միայն այն թեկնածուները, ովքեր ապրել են Հայաստանում և ունեն Հայաստանի քաղաքացիություն, կարող են մասնակցել մրցույթին:

		Ինչպե՞ս դիմել:

Հարկավոր է լրացնել դիմումի ձեւը եւ ուղարկել applications@johnsmithtrust.org հասցեին: 2011 թվականի դիմումի ձևի հետ հարկավոր է ուղարկել նաեւ թարմացված CV եւ անձնագրային չափսի թվային լուսանկար: Նախնական փուլն անցած մասնակիցները, այնուհետեւ պետք է ներկայացնեն 2 երաշխավորագիր, դիպլոմի բնօրինակը կամ նոտարով հաստատված պատճենը: Հաջողակ թեկնածուները հնարավոր է հանձնեն IELTS քննություն 2011 թվականի հունվարի վերջին:

Ընդհանուր խորհուրդներ, թե ինչպես շարադրել նպատակի հիմնավորումը

Սա ամենակարևոր բաժինն է: Ձեր նպատակի հիմնավորումը ճիշտ շարադրելու դեպքում դուք կարող եք ընտրող հանձնաժողովին համոզել, որպեսզի հենց Ձեզ հրավիրեն հարցազրույցի: Որպեսզի կարողանք համոզել նրանց, դուք ինքներդ պետք է համոզված լինեք: Դուք պետք է վստահ լինեք, թե ինչ եք ուզում, ինչու և թե ինչպես այդ ծրագիրը կօգնի Ձեզ ապագայում:

Գրելուց առաջ ի մի բերեք Ձեր անցած մասնագիտական և ուսումնական ուղին: Բացատրեք, թե ինչու եք ցանկանում ուսանել Միացյալ Թագավորությունում, հստակորեն պարզաբանեք. թե ինչու եք ընտրել ուսուցման տվյալ ճյուղը: Փորձեք հստակորեն ներկայացնել, թե ինչ առաջընթաց կարող եք գրանցել Ձեր գործունեության ասպարեզում ՄԹ-ում ուսանելուց հետո: Ոչ անհրաժեշտ տեղեկատվություն մի փոխանցեք:

Լավ գաղափար է նպատակի հիմնավորումը չշարադրել դիմումի ձևում: Նախ գրեք նախնական տարբերակը, քննության ենթարկեք այն և նոր միայն գրեք վերջնական տարբերակը:

		Անհրաժե՞շտ է ունենալ մասնագիտական փորձառություն ծրագրին դիմելու համար:

	Թեկնածուները պետք է աշխատանքային փորձ ունենան: Նրանք պետք է աշխատեն դիմելու պահին և պետք է կարողանան ցուցադրել իրենց ունակությունը` լուծելու իրենց ընտրած բնագավառում ի հայտ եկած մարտահրավերները:

		Ե՞րբ է վերջնաժամկետը:

	Վերջնաժամկետը 2010 թվականի դեկտեմբերի 31-ն է:

		Կարո՞ղ եմ ուղարկել իմ դիմումը Բրիտանական խորհրդի գրասենյակ:

	Բոլոր դիմումները հարկավոր է ուղարկել Ջոն Սմիթի հիշատակի հոգաբարձուների խորհուրդ applications@johnsmithtrust.org էլեկտրոնային հասցեին եւ ոչ Բրիտանական խորհրդի գրասենյակ:

		Կարո՞ղ եմ իմ դիմումի ձեվն ուղարկել փոստով:

	Ջոն Սմիթի հիշատակի հոգաբարձուների խորհուրդը չի ընդունում փոստով կամ ֆաքսով ուղարկված դիմումները: Կքննարկվեն միայն applications@johnsmithtrust.org հասցեին ուղարկված դիմումները:

		Ինչպե՞ս են ընտրվում մասնակիցները:

Դիմումների քննարկումը սկսվում է վերջնաժամկետի ավարտից հետո: Նախնական փուլն անցած մասնակիցները կհրավիրվեն հարցազրույցի:

Հիմնադրամը կօգտագործի բոլոր հնարավոր տարբերակներն անցկացնելու առցանց հարցազրույցներ: Խնդրում ենք պատրաստ լինել մասնակցելու նման հարցազրույցի: Տեղում հարցազրույցները կկազմակերպվեն 2011 թվականի հունվար և փետրվար ամիսներին: Խնդրում ենք հաշվի առնել այս հանգամանքը Ձեր արձակուրդները կամ ուղևորությունները պլանավորելիս: Հարցազրույցից հետո հաջողակ թեկնածուները հնարավոր է հանձնեն IELTS քննություն: Քննության ծախսերը հոգում է թեկնածուն:

		Ի՞նչ ծախսեր է հոգում Ջոն Սմիթի անվան ծրագիրը:

	Ծրագիրը հոգում է բոլոր ծախսերը, բացառությամբ IELTS վճարի:

		Հնարավոր է արդյո՞ք փոխել IELTS քննության կամ հարցազրույցի օրը:

Ոչ: Եթե դուք հրավիրված եք քննության կամ հարցազրույցի, ակնկալվում է, որ այն տեղի կունենա հայտարարված օրը: Տեղում հարցազրույցները կկազմակերպվեն 2011 թվականի հունվար և փետրվար ամիսներին: Խնդրում ենք հաշվի առնել այս հանգամանքը Ձեր արձակուրդները կամ ուղևորությունները պլանավորելիս:

		Ե՞րբ է ավարտվում մասնակիցների ընտրության փուլը:

	Մասնակիցների ընտրությունը կավարտվի 2011 թվականի փետրվարի վերջին:

		Մասնակիցները ստանո՞ւմ են կոչում ծրագրի ավարտից հետո:

	Ջոն Սմիթի անվան ծրագիրը տեւում է չորս շաբաթ եւ համալսարանական կոչում չի շնորհում: Մասնակիցները ստանում են վկայական ծրագրի ավարտից հետո:

		Կարո՞ղ են արդյոք ընտանիքիս անդամներն ընկերակցել ինձ ծրագրի ընթացքում:

Մենք հորդորում ենք ուղեւորվել Միացյալ Թագավորություն առանց Ձեր ընտանիքի անդամների: Ձեր ժամանակի մեծ մասը հատկացվելու է ուսանելուն: Այդ ժամանակահատվածը խիստ հագեցած է և կարևոր է, որպեսզի դուք Ձեր ժամանակն ամբողոջովին տրամադրեք ուսանելուն:

Եթե այնուամենայնիվ որոշել եք մեկնել Ձեր ընտանիքի հետ, խնդրում ենք հաշվի առնել այն հանգամանքը, որ կրթաթոշակը հոգում է միայն մեկ մարդու կեցության ծախսերը: Ձեր ընտանիքի անդամներն իրենք պետք է հոգան կեցության համար անհրաժեշտ ծախսերը:

		Ինչպե՞ս կարող ենք տեղեկանալ ծրագրի մասին:

	Ողջ ինֆորմացիան հասանելի է մեր կայքում: Ծրագրի մասին հայտարարությունը մենք տեղադրում ենք տեղական թերթերում և տեղեկացնում նախարարություններին և այլ կառույցներին նամակների միջոցով:

		Ի՞նչ է IELTS քննությունը:

	IELTS քննության ակադեմիական մոդուլը մշակվել է այն թեկնածուների համար, որոնք ցանկանում են սովորել Միացյալ Թագավորությունում: Քննությունը բաղկացած է 4 մոդուլից` լսողական, կարդալ, գրել և խոսակցական:

		IELTS քննության ի՞նչ արդյունք պետք է ներկայացնել Ջոն Սմիթի անվան ծրագրի համար:

Թեկնածուները պետք է հաղթահարեն IELTS քննության ակադեմիական մոդուլի 6.0 միավորի շեմը: IELTS քննությունը հնարավոր է հանձնեն միայն այն թեկնածուները, ովքեր ա) ընտրվել են հարցազրույցի համար բ)հարցազրույցն անցկացնող մարմնի կողմից ընտրվել են վերջնական ցուցակում ընդգրկվելու համար: Ոչ բոլոր թեկնածուները կհանձնեն IELTS քննություն: Քննության արժեքը վճարում է թեկնածուն:

		Կար՞ող եք ընդունել TOEFL քննության միավորները IELTS-ի փոխարեն:

	Թեպետ Միացյալ Թագավորության մի շարք համալսարաններ ընդունում են TOEFL-ը որպես անգլերեն լեզվի իմացության վկայական, մեր պահանջն է, որպեսզի թեկնածուները հանձնեն IELTS:

		Ես արդեն հանձնել եմ IELTS քննություն: Պե՞տք է այն կրկին վերահանձնեմ:

	Եթե Ձեր քննության արդյունքի թերթիկը (TRF) վավեր է (այն պետք է լինի երկու տարվա վաղեմության) և գրանցել եք 6.0 միավոր արդյունք, ապա դուք կարիք չունեք այն վերահանձնել: