Քննության արդյունքների թերթիկը (TRF) կտրվի քննությունից հետո 13-րդ օրը: Այն նաեւ հնարավոր է ձեռք բերել առցանց նշված օրը 1400-ից հետո: Խնդրում ենք հիշել, որ համակարգը չի ցուցադրի 28 օրվանից ավելի վաղեմություն ունեցող արդյունքները:
Դուք չեք կարող պահանջել քննության արդյունքները հեռախոսով, ֆաքսով կամ էլեկտրոնային հասցեով:
Դուք կարող եք ստանալ արդյունքների թերթիկի միայն մեկ պաշտոնական օրինակ, որը Ձեր խնդրանքի համաձայն, կարող է ուղարկվել փոստով, կամ այն կարող եք վերցնել Բրիտանական խորհրդի հայաստանյան մասնաճյուղից:
Կարեւոր է իմանալ: Եթե դուք չեք կարող անձամբ վերցնել քննության արդյունքները, խնդրում ենք էլեկտրոնային նամակ ուղարկել exams@britishcouncil.am հասցեին`նշելով այն անձի անունը եւ անձնագրի տվյալները, ով վստահված է վերցնելու Ձեր քննության արդյունքները: Վստահված անձը պետք է իր հետ բերի անձնագիրը կամ անձնագրի տվյալները, որպեսզի նրան հանձնվի քննության Ձեր արդյունքների թերթիկը:
Քննության արդյունքները հնարավոր է ուղարկել փոստով կամ էլեկտրոնային հասցեով այն ինստիտուտներին, որոնք կնշեք առցանց գրանցման ձևում: Արդյունքներն այլ երկրներ ուղարկելու համար կենտրոնը Ձեզնից կպահանջի համապատասխան վճար: Քննության արդյունքների թերթիկը չի ուղարկվելու միգրացիոն ծառայություններին կամ կրթական միջնորդներին: Ընդունող կազմակերպությունները կարող են նաեւ առցանց դիտել թեկնածուի միավորները IELTS ստուգման ծառայության համակարգում, եթե ներկայացնեն թեկնածուի քննութան արդյունքների թերթիկի համարը:
Եթե դուք ցանկանում եք բողոքարկել քննության արդյունքները, խնդրում ենք ծանոթացեք IELTS կանոնակարգ ենթաբաժնին: Լրացուցիչ տեղեկությունների համար կապվեք քննությունների բաժնի հետ:
|
