Քննության օրվա փոփոխման կամ էլ անվավեր ճանաչման համար անհրաժեշտ է կապ հաստատել քննությունների բաժնի հետ քննության օրվանից` հինգ շաբաթ առաջ: Այս ժամկետից դուրս որեւէ խնդրանք չի ընդունվի: Բացառություն կարող են կազմել հետեւյալ դեպքերը`
 |
 |
|
Հիվանդություն |
|
|
|
Ընտանիքի անդամի կամ մտերիմի մահը |
|
|
|
Մարմնական վնաս, քրեական հանցագործության կամ ավտոճանապարհային պատահարի զոհ |
Այս պարագայում թեկնածուները պետք է լրացնեն Փոխհատուցման կամ քննության օրվա փոփոխման խնդրանքի ձեւը  (MS Word, 191 KB), կից ներկայացնեն համապատասխան փաստաթղթերը եւ / կամ վկայությունները, ոչ ուշ քան քննությունից հետո հինգ աշխատանքային օրվա ընթացքում: Ընդունելի փաստաթղթեր են համարվում բժշկական հետազոտությունը որակավորված բժշկի կողմից, մահվան վկայականը, ոստիկանության հաշվետվությունը: Մեկ շաբաթվա ընթացքում թեկնածուները կտեղեկացվեն, թե արդյոք նրանց խնդրանքը բավարարվել է, թե` ոչ:
Այն թեկնածուները, որոնք անվավեր են ճանաչել իրենց գրանցումը քննության օրվանից ավելի քան հինգ շաբաթ առաջ, ամբողջովին ետ կստանան մասնակցության վճարը, որից կպահվի միայն վարչական վճարը` 15 000 դրամ: Կանխիկ գումարը կարող եք ետ ստանալ Բրիտանական խորհրդի հայաստանյան մասնաճյուղից: Գումարը կվճարվի դրամով` տեղական արժույթով:
Այն թեկնածուներից, որոնք փոփոխել են իրենց քննության օրը նշանակված օրից ավելի քան հինգ շաբաթ առաջ, կգանձվի վարչական վճար` 15 000 դրամ (եթե վճարել եք Հայաստանում) կամ 50 եվրո (եթե վճարել եք արտերկրում): Քննության օրվա ե’ւ անվավեր ճանաչման , ե’ւ փոփոխման համար պետք է լրացնեք Փոխհատուցման կամ քննության օրվա փոփոխման խնդրանքի ձեւը (MS Word, 191 KB) եւ այն ներկայացնեք մեր գրասենյակ կամ ուղարկեք էլեկտրոնային հասցեով:
Վճարման թերթիկը Փոխհատուցման կամ քննության օրվա փոփոխման խնդրանքի ձեւի (MS Word, 191 KB) հետ պետք է ներկայացնել կամ էլեկտրոնային հասցեով ուղարկել քննությունների բաժին:
Բողոքարկումը հնարավոր է իրականացնել քննության օրվանից հետո` վեց շաբաթվա ընթացքում: Եթե ցանկանում եք բողոքարկել քննության արդյունքները, դուք պետք է վճարեք բողոքարկման վճար 36 000 դրամ (եթե վճարելու եք Հայաստանում) կամ 87 եվրո (եթե վճարելու եք արտերկրում): Գումարը հարկավոր է փոխանցել մեր հաշվեհամարին (MS Word, 30 KB): Գումարն ամբողջովին կփոխհատուցվի, եթե միավորները փոփոխվեն:
Վճարման թերթիկը IELTS Արդյունքների հետաքննություն ձեւի  (EOR) (Adobe PDF, 376 KB) հետ պետք է ներկայացնել կամ էլեկտրոնային հասցեով ուղարկել քննությունների բաժին: Խնդրում ենք ուշադրություն դարձնել այն հանգամանքին, որ բողոքարկման գործընթացը կարող է տեւել մինչեւ ութ շաբաթ:
Այն թեկնածուները, ովքեր ցանկանում են գանգատվել քննության օրը տեղի ունեցած որևիցե դեպքի առնչությամբ, պետք է լրացնեն Թեկնածուների համար գանգատարկման ձևը (PDF. 414 KB) և էլեկտրոնային հասցեով ուղարկեն Քննությունների բաժին:
Գանգատարկման ձևը պետք է ուղարկվի քննությունից հետո երեք օրվա ընթացքում: Արդյունքները չեն կարող հրապարակվել, քանի դեռ կատարվում է գանգատարկման հետաքննությունը:
Խնդրում ենք ուշադրություն դարձնել այն հանգամանքին, որ գանգատարկումը հնարավոր չի լինի արդյունքների հրապարակումից հետո:
Լրացուցիչ տեղեկությունների համար դիմեք քննությունների բաժին:
Բրիտանական խորհրդի հայաստանյան մասնաճյուղը Քեմբրիջի ESOL քննությունների հետ համատեղ հատուկ կարիքներ ունեցող թեկնածուների համար (լսողական, տեսողական եւ այլ խնդիրներ ունեցող) ապահովում է բոլոր անհրաժեշտ պայմանները քննության մասնակցության համար:
Այն թեկնածուներին, որոնք կարիք ունեն հատուկ պայմանների, խնդրում ենք մեզ տեղեկացնել այդ մասին էլեկտրոնային հասցեով քննությունից վեց շաբաթ առաջ եւ ներկայացնել բժշկական անհրաժեշտ փաստաթղթերը:
Լրացուցիչ տեղեկությունների համար կապվեք քննությունների բաժնի հետ կամ բեռնեք “Տեղեկություններ թեկնածուների համար” գրքույկը (PDF, 452KB):
|
