Բրիտանական խորհուրդն ուրախ է հայտարարել ուսուցիչների համար նախատեսված առցանց դասընթացների նոր փուլի մեկնարկի մասին: Ուսուցիչները կարող են դիմել հետևյալ դասընթացներին:

			Teaching Knowledge Test (TKT) Essentials Module 1
			Teaching Knowledge Test (TKT) Essentials Modules 2 and 3
			Primary Essentials
			Learning Technologies for the Classroom
			CiSELT Proficient
			CiSELT Advanced
			Content and Language Integrated Learning CLIL Essentials

Դասընթացի իրականացման ժամկետները`

			2013թ.-ի փետրվարի 4-ից մինչև ապրիլի 15-ը
			2013թ.-ի ապրիլի 29-ից մինչև հունիսի 15-ը

Ինչպե՞ս են անցկացվում առցանց դասընթացները:

Յուրաքանչյուր դասընթաց տևում է մոտավորապես տասնմեկ շաբաթ, մեկնարկի և ավարտի ամսաթվերը կարող են աննշան փոփոխվել: Դասընթացն ամբողջովին անցկացվում է առցանց: Մասնակիցները պետք է շաբաթը չորսից - յոթ ժամ տրամադրեն դասընթացներին (մասնակիցներին հարմար ցանկացած ժամին, միայն մեկ անգամ է խումբը հավաքվում դասընթացավարի սահմանած հստակ ժամին):

Ուսուցման գոտի մուտք  գործելու համար յուրաքանչյուր մասնակցին կտրամադրվի անուն և գաղտնաբար: Դասընթացները կանցկացվեն գրաֆիկով սահմանված նյութերով, որի ընթացքում մասնակիցները կկարողանան հաղորդակցվել և առաջնորդվել դասընթացավարի օգնությամբ, ով կվերահսկի քննարկումները, կխթանի  ուսուցումը, կգնահատի հանձնարարությունները և այլն: Քանի որ դասընթացն ամբողջովին  առցանց է, տեխնիկական հարցերի հստակեցման նպատակով մասնակիցների համար կկազմակերպվեն կամընտրական դեմ առ դեմ հանդիպումներ:

Ինչպե՞ս իմանալ` արդյոք ես կարող եմ մասնակցել:

Բոլոր մասնակիցները պետք է լինեն Հայաստանում և դասավանդեն կրթական հաստատություններում` դա կարող է լինել պետական դպրոց, լեզվի ուսուցման մասնավոր կենտրոն կամ նման այլ հաստատություն: Բոլոր մասնակիցները պետք է ունենան համակարգչից ու  համացանցից օգտվելու բավարար հմտություններ, ինչպես նաև գործող  էլ. փոստի հասցե, որը նրանք հաճախ ստուգում են: Տեխնիկական բոլոր հարցերի համար, ինչպես օրինակ` ծրագրին միանալու համար ինտերնետի բավարար արագություն, պատասխանատու է մասնակիցը: Եթե Դուք  համապատասխանում եք  այս չափանիշներին և Ձեզ հետաքրքրում է նշված դասընթացներից որևէ մեկը, մենք շատ ուրախ կլինենք ստանալ Ձեր դիմումը:

Խնդրում ենք նկատի առնել այն, որ մեկ մասնակիցը միաժամանակ չի կարող մասնակցել մի քանի դասընթացի:

Ինչպե՞ս կարող եմ դիմել:

Հետաքրքրված անձինք կարող են լրացնել դիմումի ձևը (MS Word 109 KB) և էլ. փոստով ուղարկել Լիլիթ Բեքարյանին մինչև ապրիլի 18-ը:

Ուշ ներկայացված կամ անավարտ դիմումները չեն ընդունվի:  Կապ կհաստատվի միայն ընտրված դիմորդների հետ:

Որքա՞ն է դասընթացի արժեքը:

Բոլոր դասընթացները բացի CiSELT-ից կարժենան 30.000 դրամ: CiSELT-ի արժեքն է 48.000 դրամ: Ընտրված դիմորդները մանրամասն տեղեկություններ կստանան բանկի հաշվեհամարի վերաբերյալ և պետք է վճարեն դասընթացի արժեքը մինչև նշված ժամկետը: ՎՃարը չի փոխհատուցվում, եթե մասնակիցը որոշում է ընդհատել դասընթացը կամ չի ավարտում այն:

Բրիտանական խորհուրդը որդեգրել  է հավասար հնարավորությունների քաղաքականություն: Այն արգելում է խտրականությունը սեռի, ընտանեկան կարգավիճակի, սեռական ինքնության, կրոնական և քաղաքականության հայացքների, ռասայի, աշխատանքի տեսակի, տարիքի հաշմանդամության կամ ՄԻԱՎ/ՁԻԱՀ կարգավիճակի, սոցիալական ծագման, նախկին դատվածության, արհմիություններին անդամակցելու, խնամառուներ ունենալու հիման վրա:

Բրիտանական խորհուրդը հավատում է, որ բոլոր երեխաներն ունեն ներուժ և, որ յուրաքանչյուր երեխա կարևոր է ու նշանակալից աշխարհի ցանկացած անկյունում: Բրիտանական խորհուրդը հաստատում է իր դիրքորոշումն առ այն, որ բոլոր երեխաներն իրավունք ունեն պաշտպանված լինել շահագործման դրսևորումներից, ինչպես հաստատված է 1989 թվականի Միավորված ազգերի` երեխաների իրավունքների կոնվենցիայի 19 հոդվածում: