Միացյալ Թագավորությունում բակալավրի`առաջին կրթական կոչումն ստանալու համար անհրաժեշտ կլինի սովորել երեք-չորս տարի: Որոշ մասնագիտությունների համար, ինչպիսիք են ճարտարապետություն, ատամնաբուժություն, բժշկություն և անասնաբուժություն, կարող է պահանջվել հինգ-յոթ տարի:

Մագիստրոսի կոչման համար անհրաժեշտ է ունենալ նախնական կրթություն համապատասխան բնագավառում:

Թեկնածուական աստիճանը Ձեր մասնագիտական հմտությունների ձեռք բերման վերջնակետային փուլն է: Ակնկալվում է, որ այս փուլում մեկ կամ երկու ղեկավարների օգնությամբ դուք կաշխատեք Ձեր թեմայի մշակման վրա: Հաջողության հասնելու համար դուք պետք է  ցուցաբերեք նվիրում և ազատ մտածողություն: Այս աստիճանը ձեռք բերելու համար դուք պետք է ունենաք մագիստրոսի կոչում:

Յուրաքանչյուր համալսարանական դասընթաց ունի ընդունելության տարբեր պահանջներ, և դրանք հիմնականում առկա են յուրաքանչյուր համալսարանի ինտերնետային կայքում: Որևէ կասկած ունենալու դեպքում կարող եք կապվել ձեր ընտրած համալսարանի ընդունելության բաժնի հետ` ստուգելու համալսարանի դասընթացների ընդունելության պահանջները: Ձեր դիմումները դուք կարող եք հանձնել UCAS (universities and colleges admission system) համակարգի միջոցով: UCAS-ի բոլոր անդամ համալսարանները և առաջարկվող դասընթացները ճանաչված են Միացյալ Թագավորության կառավարության կողմից:

Եթե Ձեզ հետաքրքրում է հետբուհական կրթությունը, ապա լավագույն միջոցը Ձեր ընտրած համալսարանի հետ անմիջական կապ հաստատելն է: Որպես մոտավոր ուղեցույց` հետբուհական կրթության ընդունելության հիմնական պահանջները հետևյալն են՝

			ինչպես հարկն է լրացված դիմումի ձև (նամակ, թե ինչու եք ուզում սովորել, հետազոտություն կատարելու առաջարկ` հետազոտությունների գծով մագիստրոսի աստիճանի դեպքում)
			դիպլոմների և ներդիրների նոտարական թարգմանություն
			երաշխավորագրեր
			անգլերենի տիրապետման վկայական (IELTS, TOEFL), և (կամ) տվյալ ֆակուլտետին հատուկ քննություն (կամայական):

Երբ դիմում եք UCAS -ի միջոցով, ապա դուք կարող եք`

			մեկ դիմումի մեջ կատարել միանգամից հինգ ընտրություն,
			դիմել տարբեր դասընթացների և հաստատությունների,
			դիմել առցանց` օգտվելով UCAS -ի «Դիմել» բաժնից
			հետևել ձեր դիմումների զարգացմանը։

UCAS-ի միոջոցով դիմող միջազգային ուսանողների դիմումները կքննվեն UCAS-ի կանոնների և գործընթացների համաձայն:

Ավարտական կուրսի ծրագրերի համար

UCAS-ի միջոցով դիմելու գործընթացը հարկավոր է սկսել Ձեր ուսումնական տարվանից մեկ տարի առաջ: Դասընթացների մեծ մասի համար դիմումները պետք է հանձնել սեպտեմբերի 1-ից մինչև հունվարի 15-ն ընկած ժամանակահատվածում:

Այնուամենայնիվ, գոյություն ունեն հետևյալ բացառությունները`

			«Արվեստ» և «Դիզայն» ծրագրերի համար դիմումները պետք է ուղարկվեն հունվարի 1-ից մինչև մարտի 5-ը՝ հաջորդ ուսումնական տարվա համար:
			Օքսֆորդի և Քեմբրիջի համալսարաններ դիմելու դեպքում դիմումները հարկավոր է ուղարկել ինչպես UCAS, այնպես էլ անմիջապես համալսարան: Ձեր դիմումը պետք է ներկայացնել UCAS մինչև հոկտեմբերի 15-ը:
			Բժշկության, ատամնաբուժության և անասնաբուժության դասընթացների դիմորդները պետք է դիմեն  UCAS -ով մինչև հոկտեմբերի 15-ը՝ ուսման տարվանից մեկ տարի առաջ։:

Հետբուհական  ծրագրերի համար.

Հետբուհական դասընթացների վերաբերյալ մանրամասն տեղեկություններն առկա են UKPASS (UK Postgraduate Application and Statistical Service) կայքում: Եթե  դասընթացը կամ հաստատությունը նշված չէ UKPASS-ի  կայքում, ապա պետք է դիմել անմիջապես տվյալ համալսարան կամ քոլեջ: Ընդունելության գործընթացը հարկավոր է սկսել դասընթացի մեկնարկից առնվազն 18 ամիս առաջ:

Միացյալ Թագավորությունում գոյություն ունեն մի քանի տեսակի դպրոցներ և քոլեջներ.

			Նախապատրաստական դպրոցներ՝ 7-13 տարեկանների համար
			Ավագ դպրոցներ՝ 11.13-18 տարեկանների համար
			Միջազգային ուսումնական կենտրոններ՝ 11-17 տարեկանների համար (ուսումնական ծրագիրը նույնն է, բայց շատ փոքր խմբերով)
			Պետական և անկախ քոլեջներ՝ 16-18 տարեկանների համար:

Անգլիայում, Ուելսում և Հյուսիսային Ւռլանդիայում առաջարկվող հիմնական ակադեմիական որակավորումներն են`

			Միջնակարգ կրթության ընդհանուր վկայական ` 14-16 տարեկանների համար
			Միջնակարգ կրթության միջազգային ընդհանուր վկայական` 14-16 տարեկանների համար
			A-մակարդակի վկայական
			Խորացված կրթության միջազգային վկայական
			Միջազգային բակալավրի դիպլոմ
			Քեմբրիջի նախնական-U վկայական

Հետբուհական կրթության տևողությունը  մեկից չորս տարի է՝ կախված ձեր ընտրած դասընթացի տեսակից.

			Միամյա դասընթացներ. հետբուհական ծրագրերի վկայական/դիպլոմ, մագիստրոսի աստիճան, բիզնեսի կառավարման մագիստրոսի աստիճան
			Երկամյա դասընթացներ՝ որոշ մագիստրոսի աստիճաններ
			Եռամյա կամ քառամյա դասընթացներ՝ գիտության թեկնածու

Միացյալ Թագավորության կառավարությունը կամ Բրիտանական խորհուրդը համալսարանների դասակարգման պաշտոնական աղյուսակ չի հրապարակել: Ձեր ընտրությունը կատարելիս շատ կարևոր է հաշվի առնել թե’ դասըթնացներին և, թե’ կացարանային հարցերին վերաբերող առաջարկները: Մենք կարող ենք օգնել տեղեկատվության աղբյուրների ընտրության հարցում, սակայն չենք կարող նշել, թե որ համալսարանն է ավելի լավը:

Գոյություն ունեն հետևյալ ոչ պաշտոնական դասակարգումները:

			Sunday Times Good University Guide
			The Guardian

Կրթաթոշակների և ֆինանսավորման այլ աղբյուրների մասին լրացուցիչ տեղեկություններ կարող եք գտնել հետևյալ կայքում:

Distance learning (pdf 143 KB)

Funding opportunities (pdf 143 KB)

Getting a degree in the UK (pdf 157 KB)

Learn English in the UK (pdf 170 KB)

Useful links (pdf 145 KB)

Մենք կազմակերպում ենք առցանց և ոչ առցանց դասընթացներ: Ոչ առցանց դասընթացները մենք սովորաբար կազմակերպում ենք Կրթության ազգային ինստիտուտի հետ համատեղ` հաշվի առնելով մասնակիցների կարիքները: Առցանց դասընթացները բաց են բոլոր այն անգլերենի ուսուցիչների համար, ովքեր հետաքրքրված են: Դիմումները սովորաբար ընդունվում են տարեկան երկուսից - չորս անգամ:

Եթե դուք ցանկանում եք ստանալ անգլերենի ուսուցիչների համար նախատեսված հայտարարությունները, խնդրում ենք էլեկտրոնային նամակ ուղարկել Լիլիթ Բեքարյանին և նա Ձեր էլեկտրոնային հասցեն կավելացնի բազայում:

Դուք կարող եք օգտվել նաև TeachingEnglish կայքից (www.teachingenglish.org.uk ), որը պարունակում է էլեկտրոնային գրքեր, վիդեոնյութեր, հոդվածներ, դասերի պլաններ և այլն: Այցելե’ք TeachingEnglish կայքը և գրանցվեք անվճար:

LearnEnglish OnePager (pdf 49 KB)

TeachingEnglish OnePager (pdf 132 KB)