|
Ջոն Սմիթի հիշատակի հոգաբարձուների խորհուրդը հրավիրում է մասնակցելու Ջոն Սմիթի անվան ծրագրին: Բրիտանական խորհուրդը Ջոն Սմիթի հիշատակի հոգաբարձուների խորհրդի անունից տարածում է տեղեկատվություն դիմումների ընթացակարգի վերաբերյալ: Ծրագիրը համակարգում է Ջոն Սմիթի հիշատակի հոգաբարձուների խորհուրդը Լոնդոնում:
Հայաստանի, Ադրբեջանի, Վրաստանի, Ղրղզստանի, Մոլդովայի, Ռուսաստանի և Ուկրաինայի քաղաքացիներին հրավիրում ենք մասնակցելու ծրագրին:
Ոշադրություն` Ջոն Սմիթի անվան ծրագրի դիմումները հարկավոր է էլեկտրոնային հասցեով ուղարկել անմիջապես Ջոն Սմիթի հոգաբարձուների խորհուրդ, Լոնդոն, այլ ոչ թե` Բրիտանական խորհրդի գրասենյակ:
Դիմումների ընթացակարգին վերաբերող հարցերով հարկավոր է գրել applications@johnsmithtrust.org հասցեին:
Լրացված դիմումները հարկավոր է ուղարկել applications@johnsmithtrust.org հասցեին:
Ծրագրի նպատակն է ուժեղացնել և խորացնել արդյունավետ կառավարման մշակույթը Միացյալ Թագավարությունում կազմակերպած չորս շաբաթյա ծրագրի շնորհիվ: Այս ընթացքում մասնակիցները կհետևեն կազմակերպությունների աշխատանքին ձևավորված ժողովրդավարության պայմաններում: Մասնակիցների ընտրությունը կատարվում է` հաշվի առնելով դիմորդների առաջնորդական ունակությունների և առաջարկած գործողության պլանի համակցման արդյունավետությունը: Գործողությունների պլանն այն աշխատանքն է կամ էլ խնդիրները, որի ուսումնասիրմամբ թեկնածուն ցանկանում է զբաղվել ծրագրի ընթացքում Միացյալ Թագավորությունում: Իդեալական թեկնածուն պետք է լինի 25-40 տարեկան, աշխատի քաղաքականության, տեղական կառավարման, բիզնեսի, ԶԼՄ-ների, արվեստների կամ էլ քաղաքացիական հասարակության բնագավառներում` ունենալով որոշակի նվաճումներ արդյունավետ կառավարման և հասարակական ծառայության ոլորտներում:
Անգլերենի բացարձակ իմացությունը (գրավոր և բանավոր) կարևոր նախապայման է։ Թեկնածուներից պահանջվելու է IELTS քննության առնվազն 6 միավոր: Ընտրական փուլի վերջում թեկնածուները հնարավոր է հանձնեն IELTS քննություն: Հարցազրույցն անցկացնող խորհուրդն ինքն է որոշում քննություն հանձնելու նպատակահարմարությունը: Քննության արժեքը վճարում է թեկնածուն:
Ջոն Սմիթի անվան ծրագրի հիմանական նպատակներն են`
 |
 |
|
Միավորել քաղաքացիական հասարակության և քաղաքականության ոլորտի երիտասարդ առաջնորդներին՝ կարծիքներ փոխանակելու, վերապատրաստման և ժողովրդավարության կիրառման մասին գիտելիքներ ձեռք բերելու և արդյունավետ կառավարում իրականացնելու համար: |
|
|
|
Խորացնել հասարակության իրազեկվածությունն այն մասին, թե ինչպես է կայացած ժողովրդավարությունը սատարում և զարգացնում արհեստավարժ կառավարման գործընթացներին, օրենքի գերակայությանը, մարդու իրավունքները, սոցիալական արդարությանը և նաև քաջալերում տեղեկատվության հասանելիությունը ժողովրդին ու կառավարությունների հաշվետվողականությունը: |
|
|
|
Խթանել երկխոսությունը ծրագրի մասնակիցների միջև՝ իրենց երկրում և երկրից դուրս, հաստատել և պահպանել կապը երիտասարդ առաջնորդների և այն անձանց միջև, ովքեր աշխատում են համանման ոլորտներում Միացիալ Թագավորությունում: |
|
|
|
Ձևավորել արդյունավետ կառավարման սկզբունքներին նվիրված երիտասարդ առաջնորդների գործուն ցանց: |
Ջոն Սմիթի անվան ծրագիրը աշխատում է հետևյալ բնագավառներում`
|
|
|
Առաջնորդության ոճերն ու գործնական կիրառումները |
|
|
|
Քաղաքացիություն, օրենք և իրավունք |
|
|
|
Քաղաքացիական հասարակություն և հասարակական կարծիք |
|
|
|
Հանրային պատասխանատվությունը կառավարությունում, բիզնես և հասարակական կյանք |
Ծրագիրը տևում է չոս շաբաթ: Այն սկսվում է 2011 թվականի հունիսի տասին և ավարտվում հուլիսի ութին: Այն բաղկացած է հետևյալ փուլերից`
|
|
|
Ծրագրի ներկայացում Շոտլանդիայում |
|
|
|
Երկշաբաթյա ինտենսիվ սեմինարների շարք Շոտլանդիայում և Լոնդոնում` զարգացած ժողովրդավարական հասարակարգի քաղաքական գործընթացների վերաբերյալ: Քննարկումներ և հանդիպումներ փորձառու քաղաքական գործիչների, տեսաբանների և մասնագետների հետ: Այս ամենը կզուգորդվի պետական և հանրային քաղաքականության ձևավորումն ու զարգացումը ներկայացնող այցելություններով: |
|
|
|
Անհատական գործողության ծրագրի մշակում և կազմում՝ ներկայացնելու, թե ինչպես Մեծ Բրիտանիայում ձեռք բերած գիտելիքներն ու մոտեցումները կարելի է ձևափոխել և կիրառել բնակության երկրում: 2009 և 2010 թվականների մասնակիցների գործողությունների պլանին ծանոթանալու համար այցելեք Ջոն Սմիթի խորհրդի կայք: |
|
|
|
Ծրագրի ընթացքում մասնակիցները շաբաթվա հանգստյան օրերին մեկ անգամ կառանձնանան բացահայտելու իրենց ունակությունները որպես առաջնորդներ: |
|
|
|
Ութօրյա գործնական աշխատանքի անհատական ծրագիր համապատասխան կառույցում, օրինակ` հասարակական կազմակերպությունում, քաղաքական գործչի աշխատակազմում, կենտրոնական կամ տեղական կառավարական օղակում կամ որևէ լրատվամիջոցի խմբագրությունում: Այն կազմակերպությունների կամ անհատների ցանկը, ովքեր սիրով համաձայնել են աշխատել մեր մասնակիցների հետ, տեղադրված է այստեղ: |
|
|
|
Եզրափակիչ սեմինար, որի ժամանակ ծրագրի մասնակիցները կներկայացնեն իրենց ծրագրերը Արդարադատության նախարարության և Ջոն Սմիթի հիշատակի հոգաբարձուների խորհրդի ներկայացուցիչներին: |
Ակնկալվում է, որ մասնակիցները կմշակեն սեփական ծրագրերը, որոնք կիրագործեն հայրենիքում: 12 ամիս անց մասնակիցները կրկին կհավաքվեն Լոնդոնում ներկայացնելու իրենց կատարած աշխատանքը և առաջընթացը: Բոլոր մասնակիցներից պահանջվում է մասնակցել այս համաժողովին որպես իրենց ծրագրի մի մաս: Այս համաժողովը կանցկացվի 2011 թվականի ծրագրի ընթացքում:
Մասնակիցների միջև ստեղծված ցանցն անգնահատելի է, երբ մասնակիցը վերադառնում է և փորձում իրագործել ՄԹ-ում ձեռք բերած գիտելիքները: Ծրագրի ավարտից հետո, Ջոն Սմիթի անվան ծրագրի մասնակիցները միանում են շրջանավարտների ցանցին: Այս ցանցը դառնում է համագործակցության և միացյալ ծրագրերի իրագործման պլատֆորմ:
Հիմնադրամը ցանկանում է ընտրել երիտասարդ առաջնորդների, որոնք կարող են հետագայում լուրջ ազդեցություն ունենալ իրենց երկրի զարգացման գործում: Նպատակն է ընտրել քաղաքական առաջնորդներին, կառավարության ներկայացուցիչներին, բիզնեսի առաջնորդներին, լրագրողներին, արվեստի մասնագետներին և հասարակական ու քաղաքացիական սեկտորի ներկայացուցիչներին: Թեկնածուները պետք է
|
|
|
Հստակ գիտակցեն, թե ինչ նպատակներ ու խնդիրներ ունի ծրագիրը և թե ինչ է սպասվում մասնակցից: Մենք առաջարկում ենք խորհրդակցել ծրագրի նախկին մասնակիցներից որևէ մեկի հետ: Այդ նպատակով կարող եք միանալ Facebook-ի John Smith Memorial Trust խմբի ցանցին: |
|
|
|
Հաջողակ թեկնածուները սովորաբար 25–40 տարեկան են: Հնարավոր են որոշակի բացառություններ: |
|
|
|
Պահանջվում է լեզվի իմացություն:Թեկնածուներից պահանջվելու է IELTS քննության առնվազն 6 միավոր: Կարիք չկա ներկայացնելու քննության արդյունքները, երբ դիմում եք: Ոչ բոլորից է պահանջվում քննություն հանձնել: Տես` Ինչպես դիմել բաժինը: |
|
|
|
Թեկնածուները պետք է աշխատանքային փորձ ունենան: Նրանք պետք է աշխատեն դիմելու պահին և պետք է կարողանան ցուցադրել իրենց ունակությունը` լուծելու իրենց ընտրած բնագավառում ի հայտ եկած մարտահրավերները: Ուշադրություն` թեկնածուների ներկայացրած երաշխավորագրերը ենթակա են ստուգման: |
|
|
|
Մասնագիտական անցյալն էական է: Թեկնածուները պետք է աշխատանքային փորձ ունենան քաղաքականության, տեղական ինքնակառավարման, արվեստների, ԶԼՄ-ների, օրենքի ( հատկապես մարդու իրավունքների) կամ էլ հասարակական սեկտորում: |
|
|
|
Ներկայում և ապագայում ազդեցություն գործելու ունակություն և առաջնորդական հմտություններ: Թեկնածուներն իրենց հասարակությունում փոփոխություններ կատարելու իրական հեռանկարներ պետք է ունենան: |
|
|
|
Քաղաքական և սոցիալական ոլորտում ցուցաբերած ակտիվություն: Թեկնածուներն իրենց հասարակությունում փոփոխություններ կատարելու իրական հեռանկարներ պետք է ունենան: |
|
|
|
Թեկնածուները պետք ներկայացնեն իրենց մասնակցությունը քաղաքական և սոցիալական կյանքում, ձեռք բերած նվաճումները: |
|
|
|
Կօգտագործեն ՄԹ-ում ձեռք բերած իրենց փորձը: Նրանք պետք է հստակ հեռանկար ունենան, թե իրենց ձեռք բերած փորձի շնորհիվ, ինչպես կկարողանան բարեփոխել կառավարության աշխատանքը: |
|
|
|
Թիմային հմտություններ: Հաջողակ թեկնածուները պետք է թիմային հմտություններ ունենան, ցանկություն` աշխատելու և սովորելու մյուս մասնակիցներից: |
|
|
|
Ներկայացուցչական հմտություններ: Թեկնածուները պետք է վստահ լինեն ելույթ ունենալիս և կարողանան իրենց լավ ներկայացնել: |
|
|
|
Համակարգչային գրագիտություն: Համակարգչային հիմնական գիտելիքներն ու էլեկտրոնային նամակագրության հմտություններն էական են: |
Վերջնաժամկետ-Դիմումների և հարակից փատատթղթերի ներկայացման վերջնաժամկետը 2010 թվականի դեկտեմբերի 31-ն է:
Դիմումի ձևը բեռնեք այստեղից:
2011 թվականի դիմումի ձևը պետք է
|
|
|
լրացված լինի անգլերեն |
|
|
|
կից ներկայացնել թարմացված CV |
|
|
|
կից ներկայացնել անձնագրային չափսի թվային լուսանկար |
Դիմումը` հարակից փաստաթղթերով, հարկավոր է ուղարկել applications@johnsmithtrust.org (Ջոն Սմիթ հիմնադրամ, Լոնդոն) հասցեին ոչ ուշ քան 2010 թվականի դեկտեմբերի 31-ը:
Դիմումներն ուղարկելիս, խնդրում ենք, նշել նաեւ, թե որտեղից եք լսել ծրագրի մասին:
Խնդրում ենք դիմումները չներկայացնել Բրիտանական խորհրդի գրասենյակ կամ էլ տվյալ երկրի ներկայացուցչական գրասենյակ, քանի որ կքննարկվեն միայն վերը նշված էլեկտրոնային հասցեին ուղարկված դիմումները: Բոլոր դիմորդները էլեկտրոնային նամակի թեմա սյունակում պետք է պետք է նշեն իրենց ամբողջական անունը (անուն, ազգանուն հերթականությամբ), այնուհետև իրենց երկրի անվանումը:
Հիմնադրամը կօգտագործի բոլոր հնարավոր տարբերակներն անցկացնելու առցանց հարցազրույցներ: Խնդրում ենք պատրաստ լինել մասնակցելու նման հարցազրույցի: Տեղում հարցազրույցները կկազմակերպվեն 2011 թվականի հունվար և փետրվար ամիսներին: Խնդրում ենք հաշվի առնել այս հանգամանքը Ձեր արձակուրդները կամ ուղևորությունները պլանավորելիս:
Երաշխավորագրեր
Դիմումի ձևից բացի, Ջոն Սմիթ հիմնադրամը կպահանջի երկու բնագիր երաշխավորագիր` առաջինը ներկա գործատուից, իսկ մյուսը`կամընտիր։ Այն կարող է տրված լինել նախկին գործատուից, համագործակցող կազմակերպությունից կամ անհատից, ում հետ աշխատել եք և ով կարող է բնութագրել Ձեր հմտություններն ու մասնագիտական փորձը։
Դիպլոմներ
Թեկնածուները պետք է ներկայացնեն դիպլոմի բնօրինակը կամ նոտարով հաստատված պատճենը:
IELTS քննություն
Հաջողակ թեկնածուները հնարավոր է հանձնեն անգլերենի քննությունը 2011 թվականի հունվարի վերջին: Թեկնածուներից պահանջվելու է IELTS քննության առնվազն 6 միավոր: Մենք կարող ենք ձեզ խնդրել հանձնել քննությունն ընտրական գործընթացի վերջին փուլում: Սա վերաբերում է միայն այն մասնակիցներին, ովքեր ա) ընտրվել են հարցազրույցի համար, բ) հարցազույցն անցկացնող խորհրդի կողմից ընտրվել են վերջնական ցուցակում ընդգրկվելու համար:
Ոչ բոլորին ենք խնդրելու հանձնել քննություն: Այնուամենայնիվ հարցազրույցն անցկացնողների խորհուրդն ազատություն ունի պահանջելու քննության հանձնումը: Քննության և հարակից ծախսերը վճարում է ծրագրի թեկնածուն:
Խնդրում ենք ուշադրություն դարձնել այն հանգամանքին, որ IELTS քննությունը պարտադիր չափանիշ չէ ընտրության համար: Քննության բարեհաջող հանձնումը չի նշանակում, որ Ձեր մասնակցությունն ապահովված է: Նմանապես քննության հանձնման պահանջ չներկայացնելը չի նշանակում, որ հարցազրույցն անհաջող էր կամ որ Ձեր մասնակցությունն ապահովված է:
Վերջնական արդյունքները պարզ կդառնան 2011 թվականի փետրվարի վերջին:
Ջոն Սմիթ կրթաթոշակային ծրագրի և հիմնադրամի մասին լրացուցիչ տեղեկությունների համար այցելեք հետևյալ կայքը:
| 
