|
Բրիթիշ Քաունսիլը և Ջոն Սմիթի Հիշատակի Հոգաբարձուների խորհուրդը հրավիրում են մասնակցելու Ջոն Սմիթ ընկերակցության 2008թ ծրագրին: Ծրագրին կարող են դիմել Հայաստանի, Ադրբեջանի, Վրաստանի, Ղրղզստանի, Մոլդովայի, Ռուսաստանի և Ուկրաինայի ներկայացուցիչները:
Ծրագրի նպատակն է ՄԹ-ում իրականացվող հինգշաբաթյա ծրագրի միջոցով բարձրացնել իրազեկությանը աստիճանը ժողովրդավարության և արդյունավետ կառավարման համակարգի մասին, ներկայացնել ժողովրդավարական հասարակության հետ ժողովրդավարական կազմակերպությունների աշխատելու ուղիները:
Ծրագրին կարող են մասնակցել 25-35 տարեկան, քաղաքական ոլորտում, տեղական կառավարման համակարգում, ԶԼՄ-ների կամ քաղաքացիական հասարակության բնագավառում աշխատող երիտասարդները: Թեկնածուները պետք է կարողանան ցուցաբերել առաջնորդելու և ազդեցություն գործելու, ժողովդավարական արժեքները բարձրացնելու կարողություններ:
Անգլերենի բացարձակ իմացությունը (գրավոր և բանավոր) կարևոր նախապայման է
Ընտրական փուլի վերջում թեկանածուները պետք է հանձնեն IELTS անգլերենի քննությունը: Ոչ բոլորն են հանձնելու այս քննությունը, հարցազրույց իրականացնող մարմինը ինքն է որոշում քննություն հանձնելու նպատակահարմարությունը: Քննության վարձը վճարում է Ջոն Սմիթի Հիշատակի Հոգաբարձուների խորհուրդը:
Ծրագրի նպատակները
Ջոն Սմիթի ծրագրի հիմանական նպատակն է՝
Միավորել քաղաքացիական հասարակության և քաղաքականության ոլորտի երիտասարդ առաջնորդներին կարծիքներ փոխանակելու, վերապատրաստման և ժողովրդավարության կիրառման մասին գիտելիքներ ձեռք բերելու և արդյունավետ կառավարում իրականացմելու համար:
Խորացնել հասարակության իրազեկվածությունը այն մասին, թե ինչպես է կայացած ժողովրդավարությունը սատարում և զարգացնում արհեստավարժ կառավարման գործընթացներին, օրենքի գերակայությանը, մարդու իրավունքները, սոցիալական արդարությանը և նաև քաջալերում ժողովրդական մատչելիությունն ու հաշվետվողականությունը:
Խթանել երկխոսությունը ծրագրի մասնակիցների միջև՝ իրենց երկրում և երկրից դուրս, հաստատել և պահպանել կապը երիտասարդ առաջնորդների և այն անձանց միջև, ովքեր աշխատում են համանման ոլորտներում Միացիալ Թագավորությունում:
Ձևավորել արդյունավետ կառավարման սկզբունքներին նվիրված երիտասարդ առաջնորդների գործուն ցանց:
Ուսումնառության ոլորտները
Ջոն Սմիթի ծրագիրը Ջոն Սմիթի հոգաբարձուների խորհրդի, Բրիթիշ Քաունսիլի և Մեծ Բրիտանիայի Արդարադատության նախարարության համագործակցության արդյունքն է: Ծրագիրը ներառում է հետևյալ հիմնական ոլորտները`
- Ժողովրդավարական կառավարություն
- Քաղաքացիություն, օրենք և իրավունքներ
- Քաղաքացիական հասարակություն և հանրության ձայն
- Հանրային պատասխանատվությունը կառավարությունում, բիզնես և հասարակական կյանք
- Միջազգային կառույցներն ու հարաբերություններ
Ծրագրի ժամանակացույցն ու կառուցվածքը
Ծրագրի տևողությունը հինգ շաբաթ է, սկսվում է հունիսի սկզբին (ճշգրիտ օրերը կնշվեն այս տարի համապատասխան կայքերում): Ծրագիրը նախատեսում է հետևյալը`
- Նախապատրաստական շաբաթ Էդինբուրգում, Շոտլանդիայում
- Երկշաբաթյա ինտենսիվ սեմինարների շարք Շոտլանդիայում և Լոնդոնում` զարգացած ժողովրդավարական հասարակfրգի քաղաքական գործընթացների վերաբերյալ: Քննարկումներ և հանդիպումներ փորձառու տեսաբանների և գործնական աշխատողների հետ: Այս ամենը կզուգորդվի պետական և հանրային քաղաքականության ձևավորումն ու զարգացումը լուսբանող այցելություններով:
- Անհատական գործողության ծրագրերի պատրաստում և կազմում, որոնք ցույց են տալու, թե ինչպես Բրիտանիայում ձեռք բերած մոտեցումները կարելի է ձևափոխել և իրականացնել բնակության երկրում:
- Շաբաթավերջի համաժողով, Հերֆորդշիրի Ռոս-օն-Ուայ Առաջնորդության հոգաբարձության խորհրդի հովանավորությամբ, ՄԹ-ից հրավիրված հյուրերի հետ ընդհանուր հետաքրքրություն և մտահոգություն ներկայացնող խնդիրների վերլուծման ու ուսումնասիրման հնարավորություն:
- Իննօրյա անհատականծրագիրգործնականաշխատանքհամապատասխանկազմակերպությունումօրինակ` հասարակական կազմակերպությունում, քաղաքական գործչի աշխատակազմում, կենտրոնական կամ տեղական կառավարական օղակում կամ լրատվամիջոցում:
- Այցելություններ խորհրդարան և այլ հաստատություններ, նաև կոլեկտիվ փորձը վերլուծելու հնարավորություն:
- Եզրափակիչ սեմինար, որի ժամանակ Ընկերակցության անդամները ներկայացնում են իրենց ծրագրերը Արդարադատության նախարարության, Ջոն Սմիթի հիշատակի հոգաբարձուների խորհրդի և Բրիթիշ Քաունսիլի ներկայացուցիչներին:
Ակնկալվում է, որ մասնակիցները կպատրաստեն անձնական գործունեության ծրագիր և տուն վերադառնալուց հետո կիրագործեն այն: Ինն ամիս անց մասնակից երկրներից մեկում տեղի է ունենում համաժողով, որտեղ բոլոր մասնակիցները ներկայացնում են իրենց գործունեությունը և համեմատում առաջընթացը՝ ներկայացնելով որպես իրենց գիտական աշխատանքի մի մաս: Մեծապես կարևորվում է Ընկերակցության անդամի ներգրավումը ցանցային համագործակցության մեջ, երբ նրանք տուն վերադառնալուց հետո ջանում են օգտագործել այն, ինչ սովորել են: Հոգաբարձուների խորհուրդը ակնկալում է, որ իրենց ընկերակցության անդամները` ինտերնետային կայքի միջոցով, կապ կպահպանեն ծրագրի այլ շրջանավարտների ցանցի հետ, նույնիսկ ծրագրի ավարտից հետո:
Թեկնածության ուղենիշները
Հոգաբարձուների խորհուրդը նպատակ ունի ի հայտ բերել պատվախնդիր և բարձր վարկանիշ ունեցող երիտասարդ առաջնորդների, ովքեր կստանձնեն պատասխանատու դեր իրենց երկրների զարգացման գործում: Ծրագիրը նախատեսում է միավորել քաղաքական առաջնորդների, կառավարության կամ տեղական ինքնակառավարման մարմինների ղեկավարների, լրագրողների ու մեդիա էքսպերտների և քաղաքացիական հասարակության կամ Հ/կ ոլորտներում աչքի ընկնող երիտասասրդ առաջնորդներից կազմված խմբերի: Անհրաժեշտ այլ չափանիշներ`
Ուսումնական ծրագրի ընկալում
Դիմորդները պետք է հստակ հասկանան ինչ է ներառում մեր ծրագիրը և ինչ է այն ակնկալում մասնակիցներից:
Տարիք
Դիմորդների նախընտրելի տարքիը 25-35 տարեկանն է, սակայն առավել խոստումնալից դիմորդների համար բացառություններ կարվեն:
Լեզվի իմացություն
Անգլերենի քննման միջազգային համակարգով (IELTS) առնվազն 6րդ կարգի իմացություն կամ դրան համարժեք այլ ցուցանիշի առկայություն:
Ի գիտություն` դիմելու ժամանակ կարիք չկա նշել քննության արդյունքերը և ոչ բոլոր դիմորդներրին անհրաժեշտ կլինի հանձնել քննություն (տես` Ինչպես դիմել բաժինը):
Մասնագիտական փորձ
Թեկնածուները պետք է աշխատանքային փորձ ունենան և դիմելու պահին պետք է անպայման աշխատեն:
Ի գիտություն` բոլոր հղումները ենթակա են ստուգման:
Մասնագիտական գիտելիքներ
Ծրագրում ընդգրկվելու համար կարող են դիմել քաղաքական ասպարեզում, կենտրոնական կամ տեղական իշխանություններում, տնտեսական զարգացման, լրատվամիջոցների, իրավունքի (հատկապես մարդու իրավունքերի պաշտպանության) կամ հասարակական կազմակերպությունների ոլորտներում աշխատող անձինք:
Ներկայում կամ ապագայում առաջնորդ լինելու և ազդեցիկ վարկանիշ ունենալու հիմնավորում
Թեկնածուներ կարող են համարվել այն անձինք, ովքեր աշխատանքային առաջադիմություն կամ դրական ներգործություն ապահովելու իրական հեռանկարներ ունեն:
Ակտիվ մասնակցություն քաղաքական-հասարակական զարգացման գործընթացներին
Թեկնածուները պետք է ապացույցներ ներկայացնեն քաղաքականության կամ քաղաքացիական հասարակության բնագավառներում ակտիվ մասնակցություն ունենալու մասին և նշեն համապատասխան ձեռքբերումները:
Հստակ տեսլական և շահագռգիռ վերաբերմունք
Թեկնածուները պետք է հստակ տեսլական ունենան իրենց երկրներում կառավարման համակարգի գործունեության անհրաժեշտ բարեփոխումների մասին:
Մեծ Բրիտանիայում ձեռք բերված փոռձառության օգտագործումն ի նպաստ կառավարման/ժողովրդավարության, բարեփոխումների իրականացման
Թեկնածուները պետք է հստակ առաջարկներ ներկայացնեն այն մասին, թե ինչպես են փոռձելու ձեռք բերած փորձառության և իրենց աշխատանքի միջոցով բարելավել կառավարման գործընթացները:
Թիմային աշխատանքի հմտություններ
Ընդունելի կարող են համարվել այն թեկնածուները, ովքեր ցուցաբերում են թիմային աշխատանքի նկատելի հմտություններ և պատրաստակամություն՝ աշխատելու այլ մասնակիցների հետ և սովորելու միմյանցից:
Ներկայացուցչական հմտություններ
Թեկնածուները պետք է կարողանան ազատորեն արտահայտել իրենց մտքերը բանավոր խոսքում և ըստ պատշաճի ներկայացնել իրենց:
Համակարգչային հմտություններ
Մեծ նշանակություն է տրվում ՏՏ հիմնարար հմտությունների առկայությանը և էլեկտրոնային փոստով հաղորդակցվելու կարողությանը:
Ընտրության ցուցիչները
Ստորև նշված ցուցակը առաջարկում է մի շարք ուղղություններ, համաձայն որի լավագույն թեկնածուները պետք է լինեն սոցիալապես և քաղաքականապես ակտիվ:
Բաց և մասնակցային քաղաքական համակարգերի զարգացում
ինֆորմացիա ստանալու ազատ հնարավորության միջոցով(իրավունքների, իրավական չափանիշների, պարտավորությունների կամ իրավունքների կատարում)
լրատվական կազմակերպությունների կամ անհատ լրագրողների քաղաքական կամ սոցիալական խնդիրների լուսաբանման կարողությունների ընդլայնման միջոցով
բաց և արդար ընտրական գործընթացների կայացման խթանման և ազդեցության միջոցով(ներառյալ քաղաքական կուսակցությունների ներկայացվածությունը՝ հատկապես կանանց վերաբերող խնդիրների շրջանակում)
քաղաքական կուսակցությունների ունակությունների բարձրացման միջոցով՝ խրախուսելով նրանց լավ կազմակերպել և շփվել՝ թե իրենց կուսակցության անդամների և թե ընտրազանգվածի հետ
խորհրդարանի ունակությունների ամրապնդման միջոցով, որպեսզի նրանք առավել արդյունավետ քննարկումներ անեն, օրենսդրական գործունեություն վարեն ու այդ ամենը անմիջականորեն կապաված լինի հասարակության խնդիրների հետ
հավասար մոտեցումների խրախուսման միջոցով հասարակական կյանքի բոլոր ասպարեզներում, ինչպես նաև աշխատանքի ոլորտում
Կայուն մակրոէկոնոմիկա և բարենպաստ միջավայրի ստեղծում- պահպանում առևտրի և ներդրումների համար
պետական կամ մասնավոր իրավական, վերահսկողական, տնտեսական կամ ֆինանսական հաստատություններում՝ ազատ շուկայի և առևտրի զարգացմանը նպաստող միջոցների մասին իրազեկության բարձրացման միջոցով
զարգացման կարիք ունեցող շրջաններում առևտրային զարգացմանը նպաստող քաղաքականություն ձևավորելով կամ ձևավորմանը նպաստելու միջոցով
հասարակական ոլորտում բյուջեի կազմավորման, ռեսուրսների բաշխման, վիճակագրական ցուցանիշների չափման կամ ֆինանսական արդարությանը և պատասխանատվությանը վերաբերվող քաղաքականության վրա ազդելու միջոցով
Ապահովել արդյունավետ հիմնական ծառայությունների հավասար մատչելիություն
օգնելով կառավարության ղեկավարներին, քաղաքական գործիչներին կամ սպառողական խմբերին բարելավել ծառայությունները
մաքսային և հարկային կառույցներում՝ ծառայությունների մատուցման առաջընթաց և թափանցիկ աշխատաոճ խրախուսելու միջոցով
հասարակական և մասնավոր ոլորտների համագործակցության միջոցով՝ բարձրացնելով աշխատանքի, արդյունավետությունը, աշխատակազմի գործունեության ճիշտ կազմակերպումը կամ հասարակական ոլորտի բարեփոխումների միջոցով
սպառողական խմբերի և շահառուների հետ հաղորդակցվելու միջոցով՝ ներգրավելով նրանց հասարակական ծառայությունների ձևավորման և մատուցման գործընթացում
Երաշխավորել անձնական անվտանգություն, ապահովություն և արդարադատություն
մարդու իրավունքներին վերաբերող օրենքների և չափանիշների վերանայման կամ նրանց մասին իրազեկման վրա ազդելու միջոցով
ոստիկանական կամ քրեակատարողական հաստատություններում հասարակական հարցերով, ինչպես նաև երիտասարդական և գենդերային ուղղություններով, բարեփոխումներին աջակցելու միջոցով
ոստիկանական և իրավական համակարգերում կոռուպցիայի դեմ քայլեր կատարելու միջոցով (դասընթացներ և այլն)
տեղեկատվության մատչելիության բարելավում իրավաբանների և դատավորների մասնագիտական գիտելիքների զարգացման միջոցով
պաշտոնական և ոչ պաշտոնական արդարադատական համակարգերում դատական գործերը արդար և արագ լուծելու հնարավորությունները ուժեղացնելու միջոցով՝ հատկապես խոցելի խմբերի դեպքում
հասարակական անվտանգության և/կամ շրջակա միջավայրի մասին իրազեկող բարեփոխումներին ակտիվ մասնակցության միջոցով
Ազգային անվտանգության և հակամարտության կանխարգելում
էթնիկ, կրոնական և այլ փոքրամասնությունների հանդեպ վերաբերմունքի, իրենց ներկայացման և/կամ այլ հարցերի դեպքում պաշտոնական քաղաքական կամ վարչական հաստատությունների մոտեցման վրա ազդելու միջոցով
ռազմական ոլորտի ղեկավարության աշխատանքի արդյունավետությունը, պատասխանատվությունը և/կամ վերաբերմունքը քաղաքացիների և փոքրամասնությունների նկատմամբ բարելավելու միջոցով
միջազգային մակարդակով կամ դժվարություններ ունեցող շրջանների և բնակչությունների միջև հաղորդակցությունը և տեղեկությունների փոխանակումը զարգացնող գործունեությանը մասնակցելու միջոցով
մասնակցելով այդպիսի գործունեությանը, որը նպաստում է դժվարություններ ունեցող շրջանների և բնակչությունների միջև միջազգային մակարդակով հաղորդակցման և տեղեկությունների փոխանակման զարգացմանը
Պատասխանատու կառավարման և հակակոռուպցիոն միջոցներ
կոռուպցիայի բացահայտման և դրա դեմ պայքարի միջոցների հետազոտման միջոցով՝ քաղաքացիներից խորհուրդներ ստանալով, արդյունքները հայտարարելով և իրազեկելով
քաղաքական, հասարակական կամ մասնավոր հաստատություններում հակա-կոռուպցիոն նոր միջոցների ներդրման միջոցով
կառավարական ողջ գործունեության թափանցիկությունը և պատասխանատվությունը խրախուսելու միջոցով
կառավարության ողջ գործունեության թափանցիկության և պատասխանատվության տարածմանը նպաստելու միջոցով
Ինչպես դիմել
- Հայտերը անհրաժեշտ է ուղարկել էլեկտրոնային նամակով՝ Microsoft Word ձևաչափով, տպագիր, ստորագրված տարբերակի և երկու լուսանկարի (անձնագրի ձևաչափի, նախընտրելի է թվային) հետ միասին
- Անհրաժեշտ է ներկայացնել նաև երկու երաշխավորագիր (տրված վերջին 6 ամիսների ընթացքում) և դիպլոմների ու միջուկների վավերացված պատճենները
- Հայտերն անհրաժեշտ է ներկայացնել մինչև 7 նոյեմբերի 2007, ժամը 17.00: Ուշ կամ ոչ լիարժեք փաթեթները չեն ընդունվի:
Նախնական փուլի արդյունքները կամփոփվեն մինչև 2008թ. հունվար ամիսը: Նախնական փուլը հաջողությամբ անցած մասնակիցները կհրավիրվեն հարցազրույցի հունվար ամսվա կեսին: Մասնակիցները 2008թ-ի հունվարին հնարավոր է հանձնեն անգլերենի քննություն (IELTS): Վերջնական արդյունքները կհրապարակվեն 2008թ-ի փետրվարի կեսին:
Լրացուցիչ տեղեկությունների համար խնդրում ենք նախապես գրանցվել տեղեկատվական հանդիպումների՝ զանգահարելով 569923 ն.հ. 111 կամ կապվել Կրթական փոխանակումների պատասխանատու Մարիամ Մովսիսյանին երկուշաբթիից ուրբաթ, ժամը 14.00-ից 18.00 (ն.հ. 112):
Ծրագրի վերաբերյալ լրացուցիչ տեղեկությունների համար կարող եք այցելել www.johnsmithmemorialtrust.org
| 
