|
"Wo/Men in Politics" լուսանկարների ցուցահանդեսը Երևանում բրիտանական դեսպանատան Ֆինանսավորմամբ Բրիթիշ Քաունսիլի կողմից իրականացվող համանուն ծրագրի բաղկացուցիչներից է, որն ուղղված է քաղաքականության մեջ կնոջ դերի բարձրացմանը և տղամարդկանց հետ համագործակցությանը։
Լուսանկարների ցուցահանդեսը կոչված է ներկայացնելու քաղաքականության համաշխարհային պատմության և հայ իրականության մեջ կարևոր դերակատարում ունեցած հեղինակավոր կանանց և տղամարդկանց, ինչպես նաև նրանց արդյունավետ համագործակցության պատմությունը։
51 լուսանկարներից բաղկացած ինքնատիպ հավաքածուն ներկայացնում է յուրօրինակ դրվագներ ճանաչված կանանց կյանքից և փորձում հանրությանը առավել տեսանելի դարձնել կանանց և տղամարդկանց համագործակցության ու համատեղ աշխատանքի կարևոր դերը քաղաքական ասպարեզում։ Միջազգային ճանաչում ունեցող կանանց լուսանկարները ձեռք են բերվել “Ռոյթերս” գործակալության տեսադարանից։ Հայ կին քաղաքական գործիչների ինքնատիպ կադրերը որսացել է “Ֆոտոլուր” լրատվական գործալկալության ֆոտոխցիկը։
Ցուցահանդեսը շրջիկ է. պաշտոնական մեկնարկը տեղի է ունեցել մարտի 24-ին ՀՀ ԱԺ-ում: Մարտի 28-31-ը ցուցահանդեսը բաց էր հանրության համար “Մոսկվա” կինոթատրոնի ցուցասրահում, որից հետո այն շարունակում է իր ուղևորությունը` Հայաստանի տարբեր վայրերում ներկայանալու հասարակությանը:
Բրիթիշ Քաունսիլի հայաստանյան գրասենյակը հայտարարել է խաղարկություն իր` Facebook սոցիալական ցանցի անդամների համար: Այցելե’ք “Wo/Men in Politics” ցուցահանդեսը, ճիշտ պատասխանե’ք 7 հարցի և ստացե’ք հնարավորություն հաղթելու iPod Shuffle: Մանրամասնեի համար այցելե’ք մեր Facebook-ի էջը:
| Հոկտեմբերի 26-31 |
Հայաստանի Ամերիկյան Համալսարան` Աղբաբյան սրահ |
| Սեպտեմբերի 12-17 |
Հայաստանի Ազգային Պատկերասրահ` Երիտասարդ առաջնորդների դպրոցի` գենդերային հավասարության արշավի շրջանակներում |
| Մայիսի 5-12 |
Երևանի պետական լեզվաբանական համալսարան
Լեզվաբանության և միջմշակութային հաղորդակցության ֆակուլտետ, 2-րդ հարկ |
| Ապրլի 7-14 |
ԵՊՀ գրադարանի նախասրահ |
| Մարտի 28-31 |
"Մոսկվա" կինոթատրոնի ցուցասրահ |
| Մարտի 24-27 |
ՀՀ Ազգային Ժողով |
Եթե դուք հետաքրքրված եք հյուրընկալել ցուցահանդեսը ձեր կազմակերպությունում, խնդրում ենք դիմել Բրիթիշ Քաունսիլի հայաստանյան գրասենյակ:
"Wo/Men in Politics" ծրագրի վերաբերյալ հավելյալ տեղեկությունների համար կարող եք դիմել ծրագ րի ղեկավար Ինեսա Մուրադյանին:
| 
