1. რა არის IELTS?

IELTS არის ინგლისური ენის ტესტირების საერთაშორისო სისტემა, რომელიც განკუთვნილია იმ კანდიდატებისათვის, ვისაც სჭირდებათ სწავლა ან მუშაობა ინგლისურენოვან გარემოში.

IELTS შემუშავებულია ბრიტანეთის საბჭოს, IDP IELTS ავსტრალიისა და კემბრიჯის უნივერსიტეტის მიერ.

2. რომელი ორგანიზაციები აღიარებენ IELTS-ს?

IELTS აღიარებულია 6000-ზე მეტი ორგანიზაციის მიერ მსოფლიოში: უნივერსიტეტების, საემიგრაციო დეპარტამენტების, სამთავრობო სააგენტოების, პროფესიული დაწესებულებებისა და საერთაშორისო კომპანიების მიერ. ამ ორგანიზაციების სრული სიის მოსაძებნად, მიმართეთ IELTS-ის გლობალურ ბაზას.

3. რამდენი ფორმატისაგან შედგება IELTS?

IELTS-ს აქვს ორი ფორმატი: აკადემიური და ზოგადი. აკადემიური ფორმატის ტესტი განკუთვნილია მათთვის, ვისაც საზღვარგარეთ სწავლის სურვილი აქვს. ზოგადი ფორმატის ტესტს კი აბარებს ის, ვინც აპირებს ემიგრაციაში წასვლას, მუშაობას ინგლისურენოვან ქვეყანაში, სატრეინინგო პროგრამების გავლას და საშუალო განათლების დასრულებას. ორივე ფორმატის მოსმენისა და საუბრის ნაწილი არის იდენტური, განსხვავებულია კითხვისა და წერის ნაწილი.

საჭირო ფორმატის ტიპი შეგიძლიათ გადაამოწმოთ იმ ორგანიზაციაში, სადაც IELTS-ის ტესტის ჩაბარება მოგთხოვეს.

4. რამდენი ნაწილისაგან შედგება ტესტი?

IELTS შედგება ოთხი ნაწილისაგან: მოსმენა (30 წუთი), კითხვა (60 წუთი), წერა (60 წუთი) და საუბარი (11-14 წუთი). ტესტის მთლიანი ხანგრძლივობაა 2 საათი და 45 წუთი. მოსმენის, კითხვის და წერის ნაწილი ტარდება თანმიმდევრულად ერთ დღეს შესვენების გარეშე. საუბრის ნაწილი ტარდება დანარეჩენ სამ ნაწილამდე  7 დღით ადრე ან გვიან.

5. როგორ უნდა მოვემზადო IELTS-თვის?

თქვენ შეგიძლიათ:

			დამოუკიდებლად მოემზადოთ IELTS-ის უფასო ონლაინ ტესტებით.
			გაიაროთ უფასო ონლაინ კურსი Road to IELTS, რომელიც შემუშავებულია ბრიტანეთის საბჭოს მიერ უკვე დარეგისტრირებული კანდიდატებისათვის. კურსი შედგება 30 საათიანი თვითშესწავლის მასალისაგან. ინდივიდუალური კოდის გამოყენებით დარეგისტრირებულ კანდიდატებს შეეძლებათ ისარგებლონ ამ ონლაინ კურსით გამოცდაზე დარეგისტრირების დასტურის მიღებიდან, ტესტზე გასვლის დღის შემდეგ კიდევ 7 დღის განმავლობაში.
			დარეგისტრირდეთ ბრიტანეთის საბჭოს სასწავლო ცენტრში და გაიაროთ IELTS-ის მომსამზადებელი 30 საათიანი ინტენსიური კურსი.

დამატებითი ინფორმაციისთვის შეგიძლეათ ეწვიოთ IELTS-ის ვებ გვერდს: www.britishcouncil.org/takeielts

	2013 წლის თარიღები			რეგისტრაციის ბოლო ვადა
	12 იანვარი			02 იანვარი
	02 თებერვალი			23 იანვარი
	09 მარტი			27 თებერვალი
	06 აპრილი			27 მარტი
	25 მაისი			15 მაისი
	22 ივნისი			12 ივნისი
	06 ივლისი			26 ივნისი
	27 ივლისი			17 ივლისი
	21 სექტემბერი			11 სექტემბერი
	12 ოქტომბერი			02 ოქტომბერი
	09 ნოემბერი			30 ოქტომბერი
	07 დეკემბერი			27 ნოემბერი

ჩვენ უფლებას ვიტოვებთ შევიტანოთ ცვლილებები გამოცდის თარიღებსა და ფასში წინასწარი შეტყობინების გარეშე. ცვლილება არ შეეხებათ უკვე დარეგისტრირებულ კანდიდატებს.

1. როდის უნდა დავრეგისტრირდე?

რეგისტრაცია მთავრდება გამოცდის თარიღამდე 10 დღით ადრე. მაგრამ ადგილები შესაძლოა შეივსოს რეგისტრაციის ბოლო ვადაზე ადრე, თუ შემოსული აპლიკაციების რაოდენობა დიდია.

2. რა ღირს IELTS-ის ტესტი?

IELTS-ის ტესტის საფასურია 103.50 გირვანქა სტერლინგის ექვივალენტი ლარში თუ რეგისტრირდებით საქართველოში და დოლარში თუ რეგისტრაციას გაივლით სხვა ქვეყნიდან.

3. როგორ უნდა დავრეგისტრირდე ტესტზე?

რეგისტრაციისთვის:

			შედით ონლაინ რეგისტრაციის სისტემაში და შეიყვანეთ თქვენი მონაცემები. ვიდრე აირჩევდეთ გამოცდის სასურველ თარიღს, მოდულს და დაიწყებდეთ ონლიან ფორმის შევსებას, გთხოვთ გაეცნოთ სისტემის პირველი გვერდზე მოცემულ სარეგისტრაციო დეტალებს.
			დააჭირეთ ღილაკს 'apply now', რათა დაასრულოთ ონლაინ აპლიკაციის შევსება.
			ამის შემდეგ ელექტრონულ ფოსტაზე მიიღებთ ონლაინ აპლიკაციის მიღების ავტომატურ დასტურს.
			ონლიან სააპლიკაციო ფორმის შევსებიდან არაუგვიანეს 5-ე დღეს ქვემოთ მოცემული დოკუმენტები ან პირადად მოგვიტანეთ ბრიტანეთის საბჭოს ოფისში ან ელექტრონული ფოსტით გამოგვიგზავნეთ შემდეგ მისამართზე: ielts.georgia@ge.britishcouncil.org - 2 ფოტოსურათი (3სმX4სმ). დარეგისტრირებამდე გთხოვთ გაეცნოთ ფოტო სტანდარტებს. ფოტოების უკანა გვერდზე აუცილებლად მიუთითოთ თქვენი სახელი და გვარი. - მოქმედი პასპორტის ან პირადობის დამადასტურებელი მოწმობის მაქსიმალურად მკაფიო ასლი. შენიშვნა: ონლაინ სააპლიკაციო ფორმის შესაბამის გრაფაში მიუთითეთ პირადობის ან პასპორტის ნომერი (და არა პირადი ნომერი); თუ პასპორტში ან პირადობის დამადასტურებელ მოწმობაში არ არის თქვენი ხელმოწერა გთხოვთ ხელი მოაწეროთ მათ ასლებს. - ბანკში გადახდილი თანხის ქვითარი. შენიშვნა: გადახდა ხდება მხოლოდ საბანკო გადარიცხვით. გადახდის ქვითარზე, დანიშნულების გრაფაში მითითებული უნდა იყოს კანდიდატის სახელი და გვარი, IELTS და გამოცდის თარიღი (მაგ.: ნ. დოლიძე, IELTS, 02.02.2013)
			თანხის გადახდა და ზემოაღნიშნული დოკუმენტების მოწოდება უნდა მოხდეს ონლიან სააპლიკაციო ფორმის შევსებიდან არაუგვიანეს 5-ე დღეს. წინააღმდეგ შემთხვევაში კანდიდატი ელექტრონულ ფოსტაზე მიიღებს ავტომატურ წერილს რეგისტრაციის გაუქმების შესახებ.
			რეგისტრაციისათვის საჭირო პროცედურის სრულად გავლის შემდეგ ელექტრონული ფოსტით მიიღებთ: - რეგისტრაციის დასტურს - IELTS Reference ნომერს ონლაინ მოსამზადებელი კურსისათვის Road to IELTS

1. რა ხდება გამოცდის დღეს?

			გამოცდა იწყება 9 საათზე. რეგისტრაციისათვის საჭიროა მობრძანდეთ 08:15-ზე.
			თქვენ უნდა წარმოადგინოთ პირადობის დამადასტურებელი მოწმობის / პასპორტის ორიგინალი, რომლითაც დარეგისტრირდით გამოცდაზე. გთხოვთ გაითვალისწინოთ, რომ სტუდენტური და სავიზიტო ბარათები, მართვის მოწმობები არ მიიღება. პირადობის დამადასტურებელი მოწმობის / პასპორტის არ ქონის შემთხვევაში გამოცდაზე არ დაიშვებით.
			თან იქონიეთ ფანქარი (B ან HB), კალამი, საშლელი და სათლელი. შეგიძლიათ ასევე იქონიოთ წყალი პლასტმასის ბოთლში.
			საგამოცდო დარბზაში არ დაიშვებით ჩანთებით, წიგნებით, ფურცლებით, საკვებით, გამაგრილებელი სასმელით, ფოტო აპარატით, მობილური ტელეფონებით, ჩამწერებით და ნებისმიერი სხვა ელექტრონული მოწყობილობებით. ყველა თქვენი პირადი ნივთი მოთავსდება განცალკევებულ ადგილას, საგამოცდო ოთახის გარეთ.
			შენიშვნა: IELTS-ის ტესტის უსაფრთხოების გაძლიერების მიზნით, გამოცდის დღეს ყველა კანდიდატს გადავუღებთ სურათს. გამოცდის დღეს გადაღებული სურათი გამოყენებული იქნება თქვენს სერთიფიკატში. შეიტყვეთ მეტი.

2. რა მოხდება თუ მე დავაგვიანე გამოცდაზე ან არ გამოვცხადდი?

ბრიტანეთის საბჭო არ არის პასუხისმგებელი დაგვიანებაზე. გამოცდა დაიწყება ზუსტად 9 საათზე და დაგვიანებული კანდიდატები არ დაიშვებიან ტესტზე. თუ ჯანმრთელობის გამო ვერ გამოცხადდით ტესტის დღეს, უნდა წარმოადგინოთ შესაბამისი ცნობა გამოცდის დღიდან 5 დღის განმავლობაში.

3. საუბრის ნაწილი

საუბრის ნაწილი ტარდება ტესტის დანარეჩენ სამ ნაწილამდე  7 დღით ადრე ან გვიან. საუბრის ნაწილის შესახებ ინფორმაციას მოგაწოდებთ ძირითადი გამოცდის დღეს. ინტერვიუზე უნდა გამოცხადდეთ 10 წუთით ადრე პირადობის დამადასტურებელი მოწმობით თუ პასპორტით.

1. როგორ ვიგებ შედეგს?

			სერთიფიკატები გაიცემა გამოცდიდან მე-13 დღეს, დღის 12 საათიდან ბრიტანეთის საბჭოს ოფისში. თან იქონიეთ პირადობის დამადასტურებელი მოწმობა ან პასპორტი.
			იმ კანდიდატებს, რომლებიც ვერ ახერხებენ პასუხების პირადად გატანას, სერთიფიკატი გაეგზავნებათ DHL ექსპრეს ფოსტით. მაგრამ ამ შემთხვევაში, კანდიდატმა უნდა დაფაროს DHL კურიერის თანხა, რომელიც დაახლოებით შეადგენს: თბილისი – 5 ლარი, საქართველოს რეგიონები – 15 ლარი, ევროპა და ამერიკის შეერთებული შტატები – 140 ლარი.
			ტესტის შედეგები ასევე დაიდება ჩვენს ვებ გვერდზე. შედეგების სანახავად დაგჭირდებათ დაბადების თარიღი, კანდიდატის და პირადობის დამადასტურებელი მოწმობის / პასპორტის ნომრები.
			გაიცემა სერთიფიკატის მხოლოდ ერთი ასლი, რომლის დაკარგვის შემთხვევაშიც არ ხდება სანაცვლო ასლის გაცემა.
			დამატებითი ასლები შეგვიძლია გავაგზავნოთ პირდაპირ მიმღებ ორგანიზაციებსა და უნივერსიტეტებში, როგორც ქვეყნის შიგნით, ასევე საზღვარგარეთ, მაგრამ თქვენ მოგიწევთ DHL-ის საფასურის დაფარვა.
			ორგანიზაციებსა და უნივერსიტეტებს რომლებიც დარეგისტრირებულნი არიან IELTS-ის შედეგების ონლაინ ბაზაში, შეუძლიათ ნახონ კანდიდატის ქულა ელექტრონულად. ამისათვის მათ უნდა მიაწოდოთ თქვენი სერთიფიკატის ნომერი.
			IELTS იყენებს ცხრანიშნიანი შეფასების სისტემას.

2. რამდენი ხანი აქვს IELTS-ის სერთიფიკატს ვადა?

IELTS ტესტის შედეგები ძალაშია გამოცდის თარიღიდან 2 წლის განმავლობაში.

3. როდის შემიძლია ტესტის გადაბარება?

ტესტის გადაბარება შეგიძლიათ განუსაზღვრელად.

4. რა უნდა გავაკეთო თუ უკმაყოფილო ვარ შედეგით?

თუ თქვენ უკმაყოფილო ხართ შედეგებით, შეგიძლიათ მოითხოვოთ იმ ნაწილების ხელახლა გადამოწმება, რომლითაც უკმაყოფილო ბრძანდებით. ამისათვის უნდა შეავსოთ სპეციალური ფორმა შედეგების გამოქვეყნებიდან 6 კვირის განმავლობაში. აღნიშნული მომსახურების საფასურია 60 გირვანქა სტერლინგი, რომელიც მთლიანად ანაზღაურდება ქულის შეცვლის შემთხვევაში. გთხოვთ მხედველობაში იქონიოთ, რომ გადამოწმების პროცესი გრძელდება 5-დან 8 კვირამდე.

კემბრიჯის უნივერსიტეტთან თანამშრომლობით, ბრიტანეთის საბჭო ყველანაირად უზრუნველყოფს უნარშეზღუდული კანდიდატებისათვის საჭირო საგამოცდო პირობების შექმნას. გამოცდის პროცედურა თითოეული კანდიდატის საჭიროების შესაბამისად იქნება განსხვავებული.

კანდიდატებმა უნდა მოგვმართონ ტესტის თარიღამდე 3 თვით ადრე და უნდა წარმოადგინონ სათანადო სამედიცინო დოკუმენტაცია.

ბრიტანეთის საბჭო

რუსთაველის გამზირი # 34

თბილისი 0108, საქართველო

ტელეფონი: +995 (32) 2 250407/2 988014

ფაქსი: +995 (32) 2 989591

ელ. ფოსტა: ielts.georgia@ge.britishcouncil.org

სამუშაო საათები:

ორშაბათი-პარასკევი: 09:30 – 17:00; შესვენება: 13:00 - 13:30