კემბრიჯის გამოცდები ზოგად ინგლისურში შექმნილია ენის შემსწავლელთათვის ყველა დონეზე - ელემენტარული დონის ტესტიდან დაწყებული ინგლისური ენის ყველაზე მაღალი დონის სერთიფიკატით დამთავრებული. კემბრიჯის გამოცდები ზოგად ინგლისურში ცნობილია მთელს მსოფლიოში და ფართოდ არის აღიარებული პროფესიული და აკადემიური მიზნებისათვის.
KET: A2 დონე
KET არის ელემენტარული დონის გამოცდა. იგი ამოწმებს კანდიდატის უნარს დაამყაროს ყოველდღიური კომუნიკაცია წერილობით თუ საუბრისას ბაზისურ, პრაქტიკურ დონეზე. KET აღიარებულია ადმინისტრაციული, ინდუსტრიული და მომსახურებაზე ორიენტირებული დამსაქმებლების მიერ მთელს მსოფლიოში როგორც ბაზისური ინგლისურის კვალიფიკაცია.
KET შედგება 3 ნაწილისგან:
კითხვა და წერა: 1 საათი და 10 წუთი
კანდიდატს უნდა შეეძლოს მარტივი ინფორმაციის გაგება ბროშურებიდან, გაზეთებიდან და ჟურნალებიდან. გამოცდაზე კანდიდატი ასევე ავსებს გამოტოვებული ადგილებს მარტივ წინადადებებში და წერს მცირე ზომის, 25 სიტყვისგან შემდგარ თემას.
მოსმენა: 30 წუთი
მოწმდება კანდიდატის უნარი გაიგოს განცხადებები და სხვა მარტივი გზავნილები.
საუბარი: დაახლოებით 10 წუთი
კანდიდატს უნდა შეეძლოს მარტივი კომუნიკაცია კითხვა პასუხის სახით. საუბრის ტესტს ჩვეულებრივ ესწრება ორ კანდიდატი.
KET-ის გამოცდის შესახებ დაამტებითი ინფორმაციისათვის გთხოვთ ეწვიოთ შემდეგ ვებ გვერდს: www.CambridgeESOL.org/KET
PET: B1 დონე
PET არის საშუალო დონის ინგლისურის გამოცდა. ტესტი ამოწმებს კანდიდატის უნარს გაართვას თავი ყოველდღიურ წერილობით და ზეპირ კომუნიკაციებს. PET ცნობილია ბევრ პროფესიულ და საგანმანათლებლო დაწესებულებებში, როგორც ინგლისური ენის საშუალო დონის ცოდნის დამადასტურებელი საბუთი.
PET შედგება სამი ნაწილისგან:
კითხვა და წერა: 1 საათი და 30 წუთი
კანდიდატმა უნდა წარმოაჩინოს, რომ შეუძლია გაზეთებში და ჟურნალებში წაკითხულიდან ძირითადი აზრის გაგება, შეგიძლიათ ლექსიკის და გრამატიკის შესაბამის დონეზე გამოყენება ისეთი დავალებების შესრულებისას, როგორიცაა დაახლოებით ას სიტყვიანი მოკლე შეტყობინების, მოთხრობის ან წერილის დაწერა. ამ ნაწილში ასევე მოცემულია სავარჯიშოები, სადაც მოგეთხოვებათ წინდადადების მნიშვნელობის შეცვლა.
მოსმენა: (დაახლოებით) 30 წუთი
კანდიდატმა უნდა წარმოაჩინოს, რომ ესმის რიცხვების მნიშვნელობა, განცხადებები და დისკუსიები ყოველდღიურ გარემოში. ასევე მოწმდება რამდენად გესმით მოსაუბრის განწყობა – დამოკიდებულება.
საუბარი: 10 - 12 წუთი
საუბრის ტესტი უტარდება ორ-ორ კანდიდატს. თქვენ უნდა წარმოაჩინოთ დიალოგში ჩართულობის, აქტიური კითხვა-პასუხის უნარი.
PET-ის გამოცდის შესახებ დამატებითი ინფორმაციისათვის გთხოვთ ეწვიოთ შემდეგ ვებ გვერდს: www.CambridgeESOL.org/PET
FCE: B2 დონე
FCE არის საშუალოზე მაღალი დონის გამოცდა. იგი ამოწმებს რამდენად დარწმუნებით ართმევს თავს კანდიდატი რიგ წერილობით და სასაუბრო კომუნიკაციას. მრავალი უნივერსიტეტი FჩE-ის სერტიფიკატს მიიჩნევს საბუთად იმისა, რომ კანდიდატს შესწევს ინგლისურ ენაზე სწავლის უნარი. სერთიფიკატი აღიარებულია დამსაქმებლების მიერ ბიზნესსა და მენეჯმენტის სფეროში.
FCE შედგება ხუთი ნაწილისგან:
კითხვა: 1 საათი
კანდიდატს უნდა ესმოდეს ინფორმაცია მხატვრული და არამხატვრული ლიტერატურიდან, ჟურნალებიდან და გაზეთებიდან.
წერა: 1 საათი და 20 წუთი
კანდიდატი წერს ორი განსახვავებული სახის წერილს, რომლებიც შეიძლება იყოს მოკლე მოთხრობა, ფორმალური თუ არაფორმალური წერილი, სტატია ან ესსე.
პრაქტიკული ინგლისური: 45 წუთი
ეს ნაწილი ამოწმებს თუ რამდენად კარგად იყენებს კანდიდატი ენას გრამატიკისა და ლექსიკის კუთხით.
მოსმენა: 40 წუთი
მოწმდება კანდიდატის მოსმენის უნარი, ისეთი ტექსტებიდან, როგორიცაა საინფორმაციო პროგრამები, მოხსენებები, სახუმარო ამბები და საზოგადო განცხადებები.
საუბარი: 14 წუთი
ეს ნაწილი უტარდება ორ ან სამ კანდიდატს ერთად. მოწმდება კანდიდატის კომუნიკაციის უნარი გამომცდელთან და სხვა კანდიდატებთან საუბრისას.
FCE-ის გამოცდის შესახებ დამატებითი ინფორმაციისათვის გთხოვთ ეწვიოთ შემდეგ ვებ გვერდს: www.CambridgeESOL.org/FCE
CAE: C1 დონე
CAE არის უმაღლესი დონის გამოცდა, რომელიც ამოწმებს კანდიდატის ენის ცოდნას პროფესიულ, აკადემიურ და სოციალურ სიტუაციებში. ეს ტესტი მსოფლიოში ფართოდ არის აღიარებული აკადემიური, პროფესიული და საემიგრაციო მიზნებისთვის.
CAE შედგება ხუთი ნაწილისგან:
კითხვა: 1 საათი და 15 წუთი
მოწმდება კანდიდატის უნარი გაართვას თავი განსხვავებული ტიპის ტექსტებს.
წერა: 1 საათი და 30 წუთი
კანდიდატს მოეთხოვება დაწეროს განსხვავებული ტიპის თემები, მათ შორის ესეები, შეთავაზებები და მოხსენებები.
პრაქტიკული ინგლისური: 1 საათი
ეს ნაწილი ამოწმებს რამდენად შეუძლია კანდიდატს შესაბამის სიტუაციაში სიტყვების, დროების და იდიომების სწორად გამოყენება.
მოსმენა: 40 წუთი
ამ ნაწილში თქვენ უნდა მიყვეთ და გაანალიზოთ სხვადასხვა რანგის სასაუბრო ტექსტი, როგორიცაა ლექცია, მოხსენება და ინტერვიუ.
საუბარი: 15 წუთი
ეს ნაწილი უტარდება ორ ან სამ კანდიდატს ერთად და მოწმდება კანდიდატის უნარი მოახდინოს ეფექტური ზეპირი კომუნიკაცია.
CAE-ის გამოცდის შესახებ დამატებითი ინფორმაციისათვის გთხოვთ ეწვიოთ შემდეგ ვებ გვერდს: www.CambridgeESOL.org/CAE
CPE: C2 დონე
CPE კემბრიჯის გამოცდებიდან ყველაზე მაღალი დონის გამოცდაა. ის განკუთვნილია მათთვის, ვინც იყენებს ენას პროფესიული ან აკადემიური თვალსაზრისით და ინგლისურ ენას ფლობს მშობლიური ენის დონეზე. CPE - ის სერთიფიკატი აღიარებულია დიდი ბრიტანეთის თითქმის ყველა უნივერსიტეტის მიერ, მსოფლიოს სხვადასხვა სასწავლო დაწესებულებებისა და დამსაქმებლების მიერ.
CPE შედგება ხუთი ნაწილისგან:
კითხვა: 1 საათი და 30 წუთი
კანდიდატს მოეთხოვება წაკითხულის სრული შინაარსის გაგება.
წერა: 2 საათი
ამ ნაწილში კანდიდატს მოეთხოვება დაწეროს სხვადასხვა ტიპის თემა, მათ შორის მოკლე მოთხრობა, წერილი, სტატია ან მოხსენება, თითოეული დაახლოებით 300-350 სიტყვის ფარგლებში.
პრაქტიკული ინგლისური: 1 საათი და 30 წუთი
ამ ნაწილში კანდიდატმა უნდა გამოავლინოს გრამატიკისა და ლექსიკის სრულყოფილ ცოდნა.
მოსმენა: (დაახლოებით) 40 წუთი
თქვენ უნდა აჩვენოთ, რომ შეგიძლიათ ფართო რანგის სასაუბრო ტექსტების მნიშვნელობის გაგება, როგორებიცაა ლექციები, ახალი ამბების პროგრამები და საზოგადოებრივი განცხადებები.
საუბარი: 19 წუთი
ეს ნაწილი უტარდება ორ ან სამ კანდიდატს ერთად და მოწმდება კანდიდატის უნარი მოახდინოს ეფექტური ზეპირი კომუნიკაცია გამომცდელებთან და სხვა კანდიდატებთან.
CPE-ის გამოცდის შესახებ დამატებითი ინფორმაციისათვის გთხოვთ ეწვიოთ შემდეგ ვებ გვერდს: www.CambridgeESOL.org/CPE
|
