მეტად კონკურენტულ შრომითი ბაზრის პირობებში თქვენ შეგიძლიათ გაიუმჯობესოთ სამსახურეობრივი პერსპექტივა დიდი ბრიტანეთის საგანმანათლებლო ან პროფესიული გამოცდის ჩაბარებით საქართველოში. ამ სფეროში ჩვენ ბრიტანეთის მრავალ უნივერსიტეტთან და პროფესიული განათლების ცენტრთან ვთანამშრომლობთ. იმისათვის რომ გამოიყენოთ ეს შესაძლებლობა, დაუკავშირდით პირდაპირ თქვენთვის სასურველ სასწავლო დაწესებულებას ბრიტანეთში, აირჩიეთ თქვენთვის სასურველი კურსი და შემდეგ, სწავლის განმავლობაში, ჩვენ ვუზრუნველყობთ თქვენი გამოცდების ორგანიზებას ქვეყნიდან გაუსვლელად, საქართველოში.

			ACCA - აკრედიტებულ სერტიფიცირებულ ბუღალტერთა ასოციაცია იძლევა მსოფლიოში აღიარებულ კვალიფიკაციას. ACCA-ს ამჟამად ჰყავს 320,000 სტუდენტი და წევრი 160 ქვეყანაში. ACCA-ს კვალიფიკაცია დაგეხმარებათ მიზნებისა და სამომავლო გეგმების განხორციელებაში კარიერის სხვადასხვა ეტაპზე. ACCA-ს გამოცდებისთვის მოსამზადებლად შეგიძლიათ მიმართოთ საქართველოს პროფესიონალ ბუღალტერთა და აუდიტორთა ფედერაციას (GFPAA).
			CIMA - ბუღალტერთა სერტიფიცირებული ინსტიტუტი პრიორიტეტს ანიჭებს სტუდენტების კვალიფიცირებას, წევრებისა და თანამშრომლების მხარდაჭერას, საზოგადოებრივი ინტერესების დაცვას. ინსტიტუტს ჰყავს 77,000 სტუდენტი და 59,000 წევრი 155 ქვეყანაში. CIMA გამორჩეულია სამენეჯმენტო ფუნქციების სწავლების დარგში. CIMA-ს მიერ გაცემული ბიზნესის ფინანსური კვალიფიკაცია აღიარებულია საერთაშორისოდ.
			CIPS – შესყიდვა-მომარაგების სერტიფიცირებული ინსტიტუტი წარმოადგენს საერთაშორისო განათლებისა და კვალიფიკაციის ორგანოს შესყიდვა-მომარაგების სფეროში მომუშავე პროფესიონალებისათვის. CIPS მსოფლიოს ყველაზე დიდი და ავტორიტეტული ორგანიზაციაა თავის დარგში.
			UoL - ლონდონის უნივერსიტეტი არის დიდი ბრიტანეთის ერთ-ერთ უძველესი, უდიდესი და მრავალდარგოვანი უნივერსიტეტი.
			OU - ღია უნივერსიტეტი არის ბრიტანეთის ყველაზე დიდი უნივერსიტეტი, დაახლოებით 200, 000 სტუდენტით. ითვლება, რომ ღია უნივერსიტეტს აქვს დისტანციური სწავლების საუკეთესო და ინოვაციური კურსები.
			CII - სერტიფიცირებული ინსტიტუტი სადაზღვევო სფეროსთვის გამოირჩევა კურსების სიმრავლით სხვადასხვა შესაძლებლობებისა და საჭიროების მქონე სტუდენტებისათვის. ინსტიტუტს აქვს როგორც წინასაუნივერსიტეტო, ისე სასტიპენდიო პროგრამები წარმატებული სტუდენტებისათვის.

დიდი ბრიტანეთის თითოეულ უნივერსიტეტს აქვს გამოცდების ადმინისტრირების საკუთარი წესი. ამ წესების გათვალისწინებით, ჩვენ გთავაზობთ საგანმანათლებლო და პროფესიული გამოცდების ადმინისტრირების შემდეგ სერვისს:

			საგამოცდო მასალის მიღება და უსაფრთხოდ შენახვა
			კანდიდატებისთვის გამოცდის ადგილისა და დროის შეტყობინება
			საგამოცდო ოთახის უზრუნველყოფა
			გამოცდებზე დამკვირვებლების უზრუნველყოფა
			გამოცდების სხვადასხვა ეტაპზე მენეჯმენტი უნივერსიტეტების რეგულაციების მიხედვით
			საგამოცდო მასალის უკან გაგზავნა
			კანდიდატებისთვის გამოცდის შედეგების შეტყობინება (საჭიროების შემთხვევაში)

საგანმანათლებლო და პროფესიული გამოცდების შესახებ დამატებითი ინფორმაციის მისაღებად გთხოვთ დაგვიკავშირდეთ.