Gələcəkləri birləşdirək - Cəmiyyət - British Council

«Connecting Futures» (Gələcəkləri Birləşdirək) bizim Birləşmiş Krallıq və digər ölkələrdə müxtəlif mədəni mənşəyə malik gənclər arasında qarşılıqlı anlaşma, tanışlıq və hörmətin qurulmasına yönəlmiş təşəbbüsümüzdür.

«Connecting Futures» kompleks fəaliyyət olub həm iştirakçı ölkələrin mədəni, dini və etnik tərkibini, həm də Britəniyanın multi-etnik müxtəlifliyini əks etdirir. Fəaliyyətimizdə Birləşmiş Krallıq və digər ölkələrdə orijinal qarşılıqlı dinləmə və öyrənmə üsuluna xüsusi əhəmiyyət verilir.

BİRLİKDƏ YAŞAYAQ

Cənubi Qafqazda münaqişələrin həlli və tolerantlığın öyrənilməsinə yönəlmiş, Gürcüstanda keçirdiyimiz «Living Together» Regional Gənclər Forumu barədə oxuyun.

YAY DÜŞƏRGƏSİ 2003

Xəzərin sahilində Azərbaycan və Birləşmiş Krallıqdan gəncləri bir araya gətirimiş «Connecting Futures» yay düşərgəsi barədə məlumat alın.

«Connecting Futures» Birləşmiş Krallıq və digər ölkələrdən olan gəncləri bir araya gətirərək onlara dialoq vasitəsilə həm özlərinin, həm də başqalarının fərdiliyini araşdırmaq, öz qayğıları və ümumi maraqları barədə daha çox öyrənmək imkanı verir.

Gündən-günə cəmiyyətlər üçün bir çox səviyyədə bir-birilə əlaqə qurmaq və bir-birindən öyrənmək zərurəti daha geniş tanınır.

İnsanlar arasında ictimai diplomatiya heç vaxt bugünkündən vacib və bugünkü kimi zəruri olmamışdır.

Problemləri birlikdə həll edən və mədəniyyətlərin müxtəlifliyinə hörmət edərək öyrənən dinc qlobal cəmiyyətin qurulması üçün hər bir şəxsin fikir və səyləri gərəkdir.