2004 ildə 10-16 mart tarixlərində Qadınlara səs hüququ təşəbbüsümüz çərçivəsində «Qadın liderliyi» təlim proqramını keçirmişik.

Layihənin əsas məqsədi siyasətdə və içtimai həyatdə fəal olan qadınları dəstəkləmək və onların fəaliiyət gostərdikləri sahələrdə daha da aktiv olmalarına təkan verməkdir.  Məqsədimizə çatmaq və layihəni daha da yüksək səviyyədə təşkil etmək üçün Böyük Britaniyadan treyner dəvət olunmuş və 10 müxtəlif bölgədən, fərqli içtimayi və siyasi təşkilatları təmsil edən 40 nəfər potensial gənc qadına treyninq kurslar keçmişdir.

Proqramın yekun məqsədi qadın hüquqları sahəsində beynəlxalq standartlar barədə biliyin artırılması və qadınların siyasətdə iştirak etməsi üçün lazimi bilik və bacarıqların verilməsi idi. Bu da aşağıdakı tədbirlərdən təşkil olunmuşdur:

			Lider Qadınlar cəmiyyətinin təşkil etdiyi fikirlərin inlişafına və ehtiyacların qiymətləndirilməsinə yönəldilmiş səfər - 2004 ilin fevral ayında «Active Learning Centre»dən proqramın məsləhətçilərinin gəlməsi
			«Active Learning Centre» tərəfindən təlim materiallarının və proqramın hazırlanması
			İki 3-günlük 20 qadın üçün keçirilmiş kursda ümumilikdə 40 qadın iştirak etmişdir. Bu kurs «Active Learning Centre»dən Keyt Filips və Lider Qadınlar gəmiyyətindən Məlahət Həsənova və Tamam Cəfərova tərəfindən həyata keçirilmişdir
			Seçilmiş iştirakçılar üçün Treynerlərin treyninqi
			Proqram daxilində hazırlanmış materiallardan istifadə etməklə bir sıra treyninq tədbirlərinin keçirilməsi.

Treninqdə «İctimaiyyətdə öz profilinizin yaradılması», «Qadınlara qarşı hər cür Formada Diskriminasiyanın Ləğvi barədə Konvensiya (CEDAW)», «Seçilmiş namizədlərin rolu», «Qadınları bir-birinə dəstək verməyə inandırmaq», «Sorğunun keçirilməsi», «Seçki kampaniyası proqramının tərtib olunması», «İctimaiyyət qarşısında çıxış etmək», «Lobbiçilik» və sairə kimi mövzulara baxılmışdır.

On nəfər treyninq iştirakçısı əlavə «treynerlərin treyninqi» kurslarına seçilərək kurslardan götürdüklərini rayonlarda keçiriləcək sonrakı treyninqlərdə tətbiq edirlər. «Treynerlərin treyninqi» sessiyasının əsəs mövzuları aşağıdakılar idi:

			İştirakçılara yaxşı icma təlimçisinin keyfiyyətlərini tanımaqda köməklik
			qadınları ictimai həyata hazırlamaq üçün təlim proqramı tərtibi
			təhsil məqsədlərini müəyyənləşdirməkdə iştirakçılara köməklik
			təhsil vəzifələri və üsularını uyğunlaşdırılması
			qrup işi üzrə məşğələri necə tərtib etməli
			qısa rol oyunlarının hazırlamasında iştirakçılara kömək
			təlimin kurslarını tərtib və təqdim etməkdə kömək

«Lider Qadınlar» QHT-si gənç və liderlik potensialına malik olan qadınlardan ibarət məlumat bazasını yaratmaq və onları dövlət orqanlarında dəstəkləməyi öz üzərinə götürmüşdü.