“Həbsxanada Forum Teatr” Azərbaycanda qadın məhbusların teatra cəlb olunmasını nəzərdə tutan layihəmizdir.
Layihənin əsas məqsədi bir qrup qadın məhbusla işləyib, teatr, dram və başqa aktiv üsulları istifadə edərək qadınların həbsxana təcrübələri, azadliğa çıxmaqla bağlı qorxu və ümidləri, onların həbs olunmasının ailə və yaxınlarına təsiri, həm cəmiyyət, həm də məhbusların vəzifə və ehtiyaclarını araşdırıb, qadınların azadlıqa cıxdıqdan sonra cəmiyyətə efektiv reinteqrasiyasına imkanlar yaratmaqdır.
Bu məqsədlə biz, Britaniyadan həbsxanalarda işləyən “Qiz” teatr gurpunun nümayəndələrini dəvət etmişdik. 11-19 mart tarixlərində Əndi Uotson, Şarlot Drü və Salli Bruks Xətai rayonu, 4 saylı qadın coloniyasında 15 məhbusla məşqlər keçirmişlər. Layihənin kulminasiyası kimi son gün məhbuslar tərəfindən yaradılmış və səhnələşdirilmiş tamaşa göstərildi.
Tamaşa qadınların öz həyat təcrübələrinə, azadliğa çıxmaqla bağlı qorxu və ümidlərinə və həbsxana həyatlarına həsr olunmuşdur. Tamaşanın baş qəhramanı – Nargilə, demək olar ki, bütün qadınları əks etdirirdi. Tamaşa başqa məhbuslardan, həbsxana işçilərindən, hökümət və qeyri-hökumət təşkilarları, səfirlik və media nümayəndələrindən ibarət olan auditoriyaya təqdim olundu.
“Qiz” nümayəndələri məhbuslarla iş təcrübələrini gələcəkdə layihənin rəhbərliyini öz üzərinə götürəcək “Yuğ” teatrı nümayəndələri Gümrah Ömər və Kamran Yunis ilə bölüşdülər.
“Həbsxanada Forum Teatrı” layihəsi Britaniyalı sənətçələrin 2004-cü ilin sentyabr ayında Azərbaycana hazırlıq səfəri nəticəində mümkun olmuşdur. Bu səfər zamanı “Qiz” nümayəndələri Ədliyyə Nazirliyi və “Yuğ” teatrının əməkdaşlığı ilə bir sıra görüşlərdə iştirak edib, qadın məhbuslarla məşğələlər keçirərək Azərbaycanda belə tədbirlərin təşkilinin əsas istiqamətlərini təyin etmişdilər.
Bu layihə Britaniya Səfirliyi və Ədliyyə Nazirliyinin dəstəyi ilə həyata keçirilmişdir.
“Qiz” teatr qrupu fəal dram texnikalarını Məhkəmə Ədliyyə Sistemində tətbiq edən ixtisaslaşmış teatr mütəxəssislərindən ibarət bir qrupdur. Bu beynəlxalq səviyyədə tanınmış truppa teatrdan cinayətkarlar, şübhəli şəxslər və digər təhlükəli və təcrid olunmuş qrupların reabilitasiya və stimullaşdırılmasında bir vasitə kimi istifadə edir və inkişaf etdirir. 1987-ci ildən “Qiz” teatrı 150-dən çox cəzaçəkmə müəssisəsində, 42-dən çox sınama müddəti çəkənlərlə və 14 müxtəlif gənc cinayətkar qrupla işləmişdir.
“Yuğ” 1989-cu ildə Mədəniyyət Nazirliyi və Həsən Turabovun dəstəyi ilə Vaqif İbrahimoğlu tərəfindən yaradılmış, 1992-ci ildə dövlət statusunu qazanmışdır. O vaxtdan bəri “Yuğ” teatrı Türkiyə (Türksoy), İran (Fəcr), Qırğızıstan, Rusiya, Gürcüstan və digər ölkələrdə bir sıra beynəlxalq festivallarda iştirak etmiş və mükafatlar qazanmışdır. “Yuğ” teatrının əsas strategiyası ənənəvi teatr formaları ilə yanaşı müasir beynəlxalg təcrübəni istifadə etməkdir.
“Yeni Dalğa” müstəqil prodüsser mərkəzi “Metamarfoz” adlı tammetrajlı sənədli film yaratmag məqsədiylə məşqləri və tamaşanı lentə alıb. Bu film beynəlxalq kino festivallarında iştirak etmək üçün nəzərdə tutulur.
| 
