Azərbaycanda ilk dəfə olaraq 2004-cü ilin aprel ayında biz təhsil sahəsində qabaqcıl və texnoloji cəhətdən mütərəqqi layihəmizi təqdim etdik. Bu, LEGO robotlarından istifadə edərək riyaziyyat, xarici dillər, dəqiq elmlər və dizayn texnologiyasi kimi fənləri inteqrasiya etməklə təhsil prosesinə kompleks yanaşmanı təqdim edən «Robotlar Missiyası»dır.
Lənkəran və Sumqayıt məktəblərindən 11-16 yaşlı tələbələr Birləşmiş Krallıqdan olan yaşıdları ilə birlikdə çoxmilli komandalar təşkil edərək 2004-2005-ci illər ərzində bir sıra robot missiyası çərçivəsində yarışdılar. Uşaqlar LEGO Təhsil Şöbəsindən robototexnika və proqramlaşdırmanı inteqrasiya edən tədris vasitəsi - «LEGO MindStorms for Schools»dan istifadə edirdilər. Bu məmulat tələbələrə riyaziyyat və dəqiq elmlər, kompüter və dizayn texnoloqiyası daxil olmaqla bir sıra fənləri öyrənmək üçün ideal praktik vasitədir.
Robotlar Missiyası zamanı iştirakçılar bu fənləri öyrənməyə daha həvəslə yanaşaraq, bununla bərabər analitik düşüncə tərzi, birgə işləmək bacarığı və problemləri həll etmə qabiliyyətlərini inkişaf etdirdilər. Onlar həmçinin layihə çərçivəsində buynəlxalq münəsibətlər qurub, elektron ünsiyyət vasitələri sahəsində təcrübə qazanaraq bacarıqlarını genişləndirmək imkanı əldə etdilər.
«LEGO MindStorm for Schools» məmulatı ilə LEGO «ağıllı kərpic»i - modelləri robotlara çevirərək onları idarə edən proqramlaşdırıla bilən RCX kərpicini təqdim etmişdir.
Müəllimlərindən göstərişlər aldıqdan sonra, tələbələr problemləri həll etmək üçün işə başlayır. Onlar RCX-i beyin kimi istifadə edərək xüsusi tapşırıqları yerinə yetirmək üçün robot quraşdırır, sonra isə ROBOLAB proqram təminatından istifadə edərək, robot üçün proqram yazıb onu infra-qırmızı şüalar vasitəsi ilə RCX-ə yükləyirlər.
Proqramlaşdırıldıqdan sonra robotlar tamamilə avtonom olub, müstəqil hərəkət edə bilirlər. Robotlar ətraf mühitlə əlaqədə olub sensorlar vasitəsiylə kənardan qəbul etdikləri siqnallar əsasında qərarlar qəbul edərək müxtəlif əməliyyatlar yerinə yetirir. İki RCX hətta öz infra-qırmızı gözləri vasitəsilə bir-biri ilə əlaqə yarada bilir. Şagirdlər hazırladıqları həllin nə dərəcədə uğurlu olduğunu sınaqdan keçirir, bundan sonra onlar öz robotlarının imkanlarını uyğun şəkildə dəyişdirə və yə optimallaşdıra bilərlər.
| 
