IELTS ingilis dilinin ünsiyyət vasitəsi kimi istifadə olunduğu yerlərdə təhsil almaq və ya işləmək istəyənlərin dil səviyyəsini yoxlamaq üçün tərtib olunmuş testdir. Test dinləmə, oxuma, yazma və danışıq qabiliyyəti bacarıqlarını yoxlayan 4 hissədən ibarətdir.

IELTS imtahanının iki modulu var: General (Ümumi) və Academic (Akademik).

İmmiqrasiya etmək və ya xarici ölkələrdə işləmək istəyən şəxslər General moduldan, xaricdə təhsil almaq istəyən şəxslər isə Academik moduldan imtahan verirlər. İmtahan verməzdən əvvəl müraciət etdiyiniz ölkə və ya inistitutun sizdən hansı modulu tələb etdiyini dəqiqləşdirməyi məsləhət görürük. Düzgün modulun seçilməsinə Siz cavabdehsiniz.

•Birləşmiş Krallıq, ABŞ, Avstraliya, Kanada, Yeni Zelandiyada və digər xarici ölkələrdə təhsil almaq üçün ərizə verən tələbələr;

•Ingilis dilinin əsas ünsiyyət vasitəsi kimi istifadə olunduğu ölkələrdə işləməyi planlaşdıran şəxslər;

•Kanada, Avstraliya və ya Yeni Zelandiyaya immiqrasiya etməyə hazırlaşan şəxslər

Dil bacarıqlarını yoxlayan hər iki imtahan şəxsin dinləmə, oxuma, yazma, və danışıq qabiliyyətini müəyyən edir. İmtahanın təşkil olunması, idarə edilməsi, və test nəticələrinin elan edilməsi kimi bütün sahələrdə IELTS daha etibarlıdır. Bununla belə TOEFL və IELTS məzmunlarına görə bir-birlərindən fərqlənirlər. IELTS ilə ingilis dili bacarıqlarını yoxlayan digər imtahan balları arasında rəsmi bir müqayisə yoxdur. Məsləhət görürük ki, ingilis dili bacarığınızı tələb edən təşkilatla sizdən hansı imtahanın və neçə balın tələb olunduğunu dəqiqləşdirəsiniz. Əksər hallarda, Birləşmiş Krallıq, Avstraliya, Kanada, Yeni Zelandiya və ABŞ universitetləri və ya peşəkar təşkilatlar müəyyən bir bal şərti ilə IELTS sertifikatı və ya Kembric ESOL imtahanlarının sertifikatını tələb edirlər.

IELTS imtahanının nəticəsi bütün dünyada 6000 təhsil müəssisəsi, işə götürən təşkilatlar, peşəkar orqanlar və immiqrasiya idarələri tərəfindən namizədlərin ingilis dili bacarığını təsdiqləyən sənəd kimi qəbul olunur. Bura Birləşmiş Krallıq, ABŞ, Avstraliya, Kanada, Yeni Zelandiya və bir sıra digər ölkələr də daxildir.

Daha ətraflı məlumat üçün IELTS in the USA internet səhifəsinə müraciət edə bilərsiniz .

Siz sertikatınızı (TRF) imtahan verdikdən 13 gün sonra əldə edə bilərsiniz. İmtahan nəticələrinizi həmçinin internet səhifəmizdən də öyrənə bilərsiniz. IELTS nəticəsinin etibarlı sayılma müddəti müraciət etdiyiniz inistitut və ya təşkilatın onu hansı müddətə qədər yararlı hesab etməyindən asılıdır. Amma bir qayda olaraq, iki il müddətində etibarlı sayılan IELTS  sertifikatı (TRF) namizədin ingilis dili təcrübəsini aktiv şəkildə artırdığını sübut edən sənədlər təqdim etdiyi halda  indiki səviyyənin göstəricisi kimi də qəbul oluna bilər.

Nəzərinizə çatdıraq ki, iki ildən artıq vaxtı keçmiş sertifikatlar (TRF) çap edilmir.

Daxil olmaq istəyiniz universitet  IELTS imtahanı tələb etdiyini bildiribsə, bu halda siz IELTS -dən imtahan verməlisiniz. Əgər universitet IELTS nəticəsini qəbul edirsə, bu halda siz IELTS dən imtahan verə bilərsiniz.

Xarici ölkələrdə yerləşən universitetlər müəyyən IELTS nəticəsi tələb edir ki, bu da tələbənin dildən sərbəst şəkildə istifadə etdiyini göstərir.  Universitet tələbədən IELTS imtahanı tələb etdiyi halda, biz təbələrə akademik modulda imtahan verməklərini məsləhət görürük. Nəzərinizə çatdıraq ki, bir çox universitetlər onlara müraciət edən tələbələrdən IELTS academic modulu tələb edirlər. Univeristetlərin əksəriyyəti IELTS nəticələrini qəbul edir. Bununla belə, bəzi univeristetlər ingils dili bacarığını yoxlayan digər testlər də tələb edə bilər (buna misal olaraq FCE, CAE, CPE və ya BEC göstərmək olar). Buna görə də öncədən universitetin tələbini dəqiqləşdirməyi sizə tövsiyə edirik.

Academik modul adətən ali təhsilini davam etdirmək istəyən şəxslərə məsləhət görülür. Əgər siz digər məsələlərlə (təlim, iş, immiqrasiya) əlaqədar Avstraliya, Kanada, Yeni Zelandiya və digər ölkələrə getməyi planlaşdırırsınızsa General moduldan imtahan verməyi məsləhət görürük.

İmtahan verməzdən əvvəl müraciət etdiyiniz ölkə və ya inistitutun sizdən hansı modulu tələb etdiyini dəqiqləşdirməyi məsləhət görürük. Düzgün modulun seçilməsinə Siz cavabdehsiniz.

IELTS imtahanı dinləmə, oxu, yazı və danışıq testlərindən ibarətdir.

Sizə imtahan zamanı:

dinləmə üçün 30 dəqiqə (+10 dəqiqə cavabları cavab kağızına köçürməyə),

Oxu üçün 60 dəqiqə,

Yazı üçün 60 dəqiqə

Danışıq üçün 11-14 dəqiqə vaxt veriləcək.

Namizələrdən adətən imtahan verəcəkləri günü imtahan üçün ayırmaqları xahiş olunur. Namizədlər imtahanın oxu, yazı, və dinləmə bölmələrini qrup halında verdikdən sonra danışıq testi üçün ayrı-ayrılıqda vaxt təyin edilir. Məlumatınız olsun ki, danışıq testi IELTS imtahanın keçirildiyi tarixdən 7 gün əvvəl və ya sonra da təyin oluna bilər.

İmtahan sona çatana qədər namizədlərə imtahan zalını tərk etməyə icazə verilmir.

Siz rəsmi IELTS hazırlıq materiallarını British Council ofisindən əldə edə bilərsiniz. Materiallara bir kitab və CD daxildir və qiyməti 25 AZN-dir. Ödəniş bank köçürməsi vasitəsilə ödənilməlidir. Sorğunuz barədə zəhmət olmasa email göndərməyiniz xahiş olunur.

Online qeydiyyatdan keçmiş namizədlər Road to IELTS hazırlıq materiallarını pulsuz əldə edirlər. Fərdi hazırlıq materialları qəbul etmək üçün zəhmət olmasa email ünvanınızı və IELTS qeydiyyat nömrəsini qeyd edin. Qeyd: IELTS testinə qeydiyyatınız təsdiqləmədiyi halda “Road to IELTS” –dən istifadə edə bilməzsiniz.

Sizdən imtahana yalnız qeydiyyatdan keçdiyiniz sənədi (passport/şəxsiyyət vəsiqəsi) gətirməyiniz xahiş olunur. Sizə imtahanda qələm, karandaş, pozan, qələm yonan və su veriləcək. İmtahan zamanı əşyalarınız imtahan otağına buraxılmadığına görə, özünüzlə hər hansısa dəyərli bir əşya gətirməyi sizə məsləhət görmürük.

Qeydlər götürmək istədiyiniz halda, bunun üçün sizə hər bölmədən qabaq paylanılacaq olan iş dəftərindən istifadə edə bilərsiniz. Əlavə kağızdan istifadə etmək qadağandır.

Namizədlərə sertifikatın yalnız bir nüsxəsi verilir. Əlavə original sertifikatlar inistutlara və digər şirkətlərə birbaşa olaraq göndərilə bilər. Əgər sertifkatı qəbul edəcək təşkilat imtahan qeydiyyat ərizənizdə qeyd olunmayıbsa, o zaman siz əlavə sertifikat və göndəriş xidmətinin pulunu ödəməlisiniz. Sertifikatı qəbul edən təşkilatı imtahana qeydiyyat ərizənizdə qeyd etdiyiniz halda, yalnız göndəriş xidmətinin pulunu ödəyəcəksiniz. Qəbul edən institutların namizədin sertifikat nömrəsinə sahib olmaqla onun imtahan nəticəsini internet vasitəsilə də öyrənmək imkanları var.

Əgər imtahan qeydiyyat ərizəsində siz müəyyən institut və ya təşkilatları qeyd etminizsə imtahan nəticələri açıqlandıqdan sonra mütləq bizə müraciət edib istəyiniz təsdiqləyin. Nəticələr açıqlandıqdan sonra bizə müraciət etməsəniz sertifikatınız heç bir yere göndərilmir.

British Council və Kembric Universiteti xüsusi ehtiyaclı (məs: eşitmə, danışıq problemləri, disleksiya və.s) namizədlərə onlar üçün xüsusi hazırlıqlar görməklə kömək edir. Eyni imtahan proseduru hər bir namizəd üçün əlilliyinin təbiəti və dərəcəsinə uyğun olaraq fərqli tətbiq olunur.

Xüsusi hazırlıq tələb edən namizədlərdən ehtiyacları barədə imtahan tarixindən 6 həftə əvvəl email ünvanımıza aidiyyatı tibbi arayış göndərməklə bizi məlumatlandırmaları xahiş olunur.

Sizə daha yaxşı xidmət göstərmək məqsədilə imtahanın şərtləri barədə rəy/şikayətlər yazılı formada imtahan günü və ya imtahan günündən sonra 5 gün ərzində verilməlidir. Imtahan nəticələri bəlli olduqdan sonra imtahanın keçirilməsi barədə olan şikayətlərə baxılmayacaq.  

Əgər siz hansısa bir fikir bildirmək və ya sizə edilmiş xidmət barədə şikayət etmək istəyirsinizsə, bunu ielts@britishcouncil.az ünvanına email yaza və ya onlayn daxil edə bilərsiniz.