|
Biz IELTS imtahanını hər ay iki dəfə keçiririk. Qeydiyyat müddəti imtahan gününə 6 həftə qalmış başa çatır.
Bu tarixdən sonra da qeydiyyat mümkündür, lakin bu halda imtahan verən şəxslər bizimlə əlaqə saxlamalıdırlar. Qeydiyyat müddətindən sonra qeydiyyat etmək istəyən şəxslər üçün imtahan qiyməti 170 AZN olacaqdır.
Qeydiyyatdan burada keçə bilərsiniz
- İmtahan verəcəyiniz ayı, şəhəri (Landmark) və modulu seçin. Sonra “Find” düyməsinə basın.
- Uyğun tarixi seçib “Apply” düyməsinə basın.
- Zəhmət olmasa IELTS qaydaları ilə tanış olun. Sonra “I have read and agree to the above Terms and Conditions” işarələyib “Continue” düyməsinə basın.
- Bütün məlumatları dəqiq qeyd edin və “Continue” düyməsinə basın.
- Məlumatların dəqiqliyini yoxlayın, ödəniş qaydaları ilə tanış olun və “Apply now” düyməsinə basın.
- Ərizə formasını çap etmək üçün “Print this page” düyməsinə basın.
- Siz dərhal qeydiyyatınız ilə əlaqədar email alacaqsınız.
- Zəhmət olmasa çap etdiyiniz ərizə formasının altında imza atıb digər sənədlərlə birlikdə (pasportun və ya şəxsiyyət vəsiqəsinin (yalnız yerli iştirakçılar) nüsxəsi, ağ fonda 3x4 1 ədəd şəkil və ödəniş tapşırığı) ielts@britishcouncil.az elektron ünvanına göndərin. Eynəkli şəkillər qəbul olunmur. Zəhmət olmasa göndərdiyiniz email-ın ölçüsünü 2 MB -dan artıq olmamasına əmin olun
- Biz əgər 5 gün ərzində sizin ödəniş tapşırığınızı alsaq sizin qeydiyyat təsdiqlənəcək və siz bununla bağlı email alacaqsınız.
- Əgər siz 5 gün ərzində ödəməni həyata keçirməsəniz o zaman siz qeydiyyatınızın ləğv olunması barədə email alacaqsınız.
- Nəzərinizə çatdıraq ki, qeydiyyat imtahan tarixinə 6 həftə qalmış bitir.
Biz yalnız bank vasitəsi ilə keçirilən ödənişləri qəbul edirik. Xahiş edirik imtahanda iştirak edəcək şəxsin adını, IELTS sözünü və imtahanın keçiriləcək tarixini bank ödəniş blankının Ödənişin təyinatı hissəsində qeyd edin (məs: N. Məmmədov, IELTS, 26.06.10).
- İmtahan gününə ən azı 5 həftə qalmış qeydiyyatınızı ləğv etsəniz Sizə ödədiyiniz məbləğin 85%-i qaytarılacaq.
- Əgər Siz imtahana 5 həftədən az qalmış müddətdə qeydiyyatınızı ləğv etsəniz Sizə ödədiyiniz məbləğdən pul qaytarılmayacaq. Həmçinin Siz qeydiyyatdan imtina etməyinizin səbəbini izah etməlisiniz. Belə olduqda Siz Request for Refund Form (aşağıda mövcuddur) təqdim etməlisiniz və imtina etməyinizin səbəbini bu sənədə əlavə etməlisiniz. Qəbul edilən sənədlər ixtisaslı həkim terapevt tərəfindən təqdim olunmuş tibbi arayış, ölüm haqqında şəhadətnamə, və ya hərbi qulluğu təsdiq edən sənəd. Bütün yuxarıda göstərilən sənədlər imtahan mərkəzinə imtahandan 5 gün əvvəl təqdim edilməlidir.
Siz testin tarixini, yalnız seçdiyiniz test sessiyasından 5 həftə öncə Request for Transfer Form (aşağıda mövcuddur) təqdim etməklə dəyişdirə bilərsiniz. Doldurulmuş ərizə Test üçün Ödəniş qəbzi ilə birgə IELTS Administratoruna göndərilməli və ya ofisimizə təhvil verilməlidir.
Bir iştirakçı imtahan gününü 1 dəfədən artıq başqa tarixə keçirərsə 20 AZN köçürmə haqqı British Council hesabına köçürməlidir
İştirakçılar 13 gün sonra Test Report Form -u (imtahan nəticələrini) əldə edəcək. Hər bir iştirakçı Test Report Form- un (TRF) yalnız bir nüsxəsini əldə edə bilər.
İmtahan nəticələri həmçinin www.britishcouncil.az internet səhifəsində imtahandan 13 gün sonra görə bilərsiz.
Siz nəticələrinizi kandidat nömrəniz, doğum tarixi və şəxsiyyətinizi təsdiq edən sənədin seriya nömrəsini yığmaqla yoxlaya bilərsiniz.
IELTS nəticələri telefon, fax və ya e-mail-lə verə bilməz. Test Report Form-un original nüsxəsi bir neçə təşkilata göndərilə bilər. Bunun üçün aşağıdakı qaydalara əməl etmək lazımdır.
Test Report Form-u necə göndərmək olar ?
Əgər siz Test Report Form-u Azərbaycan daxilində müəyyən təşkilata göndərmək istəyirsinizsə bir nüsxə üçün 15 AZN ödəməlisiniz.
Əgər siz TRF-i xaricə göndərmək istəyirsinizsə aşağıda göstərilən müvafiq kuryer haqqını British Council-ın bank hesabına köçürüb, bankdan sizə təqdim olunan çıxarışı skan edib ielts@britishcouncil.az e-maillə göndərməlisiniz.
Avropa ölkələri : 45AZN
Orta Şərq/ Amerika : 55AZN (İran, ABŞ ,Kanada)
Cənub yarımkürəsi : 65 AZN (Avstraliya ,Yeni Zellandiya)
Sonra Additional TRF (əlavə nəticə forması) formanı doldurub ad ,soyad, atanızın adı, imtahan tarixi və ödəniş qəbzini ielts@britishcouncil.az emailinə göndərin.
Nəzərə alın əgər siz ödəniş etmədən formanı doldursanız sizin xahişiniz nəzərə alınmayacaq.
Sizin əlavə sifariş etdiyiniz TRF göstərilən yerə 2 iş günü ərzində göndəriləcək.
Təşkilatlar sizin nəticənizi həmçinin online IELTS verification service, vasitəsilə TRF-in nömrəsini yığmaqla öyrənə bilərlər.
Nəticəniz sizi qane etmədiyi halda nəticələrin yenidən yoxlanılması xidmətindən istifadə edə bilərsiniz.Bu imtahan tarixindən 6 həftə ərzində yerinə yetirilməlidir. Siz istədiyiniz modulu yenidən yoxlaya bilərsiniz. EOR (Enquiry on Result ) forması doldurulmalı, British Council hesabına 110 AZN köçürülməli və bu sənədlər skan olunub ielts@britishcouncil.az email-ə göndərilməlidir. Sizdə olan original TRF ofisə qaytarılmalıdır. Əgər hər hansı bir imtahan nəticəniz dəyişərsə,110 AZN sizə qaytarılacaq. Daha geniş məlumat əldə etmək üçün bizimlə əlaqə saxlaya bilərsiniz.
Qeydiyyatdan keçmək üçün qeydiyyat formasını doldurun və qaydalarla tanış olun.
Qeydiyyatdan keçmək üçün qeydiyyat formasını doldurun və qaydalarla tanış olun
Qeydiyyatdan keçmək üçün qeydiyyat formasını doldurun və qaydalarla tanış olun.
Qeydiyyatdan keçmək üçün qeydiyyat formasını doldurun və qaydalarla tanış olun
Əlavə məlumat üçün bizə müraciət edə bilərsiniz.
| 
