Cambridge ESOL (English for Speakers of Other Languages - Digər dildə danışanlar üçün ingilis dili) Business English imtahanları ingilis dilindən işgüzar mühitdə istifadə etmə qabiliyyətinizi müxtəlif çətinlik səviyyələrində yoxlayır.

Cambridge Level 1:	BEC Preliminary
Cambridge Level 2:	BEC Vantage
Cambridge Level 3:	BEC Higher

Bu imtahanlar dörd dil qabiliyyəti: Oxuma, Yazma, Dinləmə və Danışıq bacarığını əhatə edir. BEC Preliminary imtahanında Oxuma və Yazı testləri bir sual vərəqində birləşdirilib. BEC Vantage və BEC Higher imtahanında isə bunlar ayrı-ayrı vərəqələrdədir.

İMTAHANDAN NƏ VAXT VƏ HARADA KEÇƏ BİLƏRSİNİZ?
İmtahanlar ofisimizdə, sentyabr ayında keçirilir. Qeydiyyat və ödəniş barədə məlumatları nəzərdən keçirin. Siz bu imtahanda iştirak etməmişdən əvvəl özünüzü Pretest şəraitində yoxlaya bilərsiniz. Pretest-də iştirak pulsuzdur.

NƏTİCƏLƏRİ NƏ VAXT ÖYRƏNƏ BİLƏRSİNİZ?
Nəticələr imtahan tarixindən təxminən iki ay sonra məlum olur, sertifikatlar isə təxminən daha bir ay sonra verilir. Bu sertifikatların quvvədə qalma müddəti qeyri-məhduddur.

İMTAHANLARA NECƏ HAZIRLAŞA BİLƏRSİNİZ?
Hər imtahan barədə ətraflı məlumat və hazırlıq üçün faydalı məsləhətləri BEC Documents səhifəsində ala bilərsiniz. Əgər hər-hansı sualınız varsa, bizim Müştəri Xidmətinə müraciət etməyə çəkinməyin.