Bu proqram aşağıdakı mövzuları əhatə edir:

• Demokratiya şəraitində bütöv cəmiyyəti təmsil edən hökumət
• Vətəndaşlıq, qanun və insan haqları
• Vətəndaş cəmiyyəti və ictimai fikir
• Biznes və ictimai həyat
• Beynəlxalq təşkilatlar

Əsas şərtlər aşağıdakılardır:

Yaş həddi: 25-35 yaş arası
İngilis dili biliyi: İELTS səviyyəsində 6 və daha yüksək
Təcrübə: Namizədlərin uyğun iş təcrübəsi olmalıdır və bu proqrama müraciət edərkən işləməlidirlər.
İxtisası: Namizədlər siyasət, mərkəzi hökumət, yerli hökumət, iqtisadi inkişaf, mətbuat, hüquq (xüsusən, insan haqları sahəsi) yaxud QHT sektorunda işləməlidirlər.
Hazırda, yaxud gələcəkdə liderlik bacarığına malik olmaq: Namizədlər öz karyeralarında uğur qazana bilmək üçün və cəmiyyətdə təsir göstərə bilmək üçün potensiala malik olmalıdırlar.
Siyasi/sosial inkişafda fəallıq: Namizədlər siyasətdə yaxud vətəndaş cəmiyyətində fəal iştirak etmələrini sübut etməlidirlər və əldə etdikləri uğurları göstərməlidirlər.
Komandada işləmək bacarığı: Müsabiqədə uğur qazanan namizədlər digər iştirakçılarla birgə işləyərək onların təcrübəsindən öyrənmək arzusu olan şəxslər olmalıdırlar.
Yaxşı təqdimat bacarığı: Namizədlər inamla danışa bilməli və öz ideyalarını aydın təqdim etməyi bacarmalıdırlar.
Kompüter biliyi: Ümumi kompüter savadı və elektron poçtdan istifadə bacarığı tələb olunur.

1. Edinburqda – Şotlandiyada ilkin həftə
2. Demokratik hökumətdə siyasi proseslər barəsində iki həftəlik intensiv seminarlar
3. İştirakçıların Böyük Britaniyada əldə etdikləri təcrübəni öz ölkələrinə qayıtdıqdan sonra necə tətbiq edə biləcəklərini göstərən “fərdi fəaliyyət planlarının” hazırlanması
4. Britaniyadan dəvət olunan qonaqlarla birgə hamının marağında olan məsələləri müzakirə etmək imkanı yaradan həftə sonu konfransı
5. QHT-lər, siyasət xadimləri, mərkəzi hökumət, yerli icra hakimiyyətləri yaxud mətbuat nümayəndələri də daxil olmaqla uyğun təşkilatlarla, və ya fərdi şəxslərlə hər bir iştirakçı üçün ayrıca uyğunlaşdırılmış təcrübə
6. Parlamentə və digər müəssisələrə səfərlər və toplanmış təcrübənin müzakirəsinə imkan verən Londonda keçiriləcək son həftə
7. İştirakçılar öz layihələrini Konstitusiya İşləri üzrə Departamentin, Con Smit Xatirə Fondunun və British Council-ın nümayəndələrinə təqdim edirlər.

1. Ərizə forması
2. Pasport ölçülü fotoşəkil (rəngli)
3. Təhsil sertifikatlarının surəti (əgər ingilis dilində deyilsə, həmçinin tərcüməsi)
4. İki rəy məktubu (bunlardan biri mütləq iş yerindən olmalıdır)

Seçim üç mərhələdə aparılır:

1. Sənəd qəbulu zamanı çap olunmuş kriteriyalara əsasən ərizələr arasından ilkin seçim aparılır
2. Ərizələri seçilmiş namizədlər müsahibəyə dəvət olunurlar
3. Müsahibədən seçilmiş namizədlər IELTS ingilis dili testinə dəvət olunurlar.

Təqaüd müddətində ailənizi Birləşmiş Krallığa gətirməyinizi məsləhət görmürük. Təhsil müddəti çox intensiv olduğundan bütün diqqətinizi təhsilə yönəltməyiniz vacibdir.

İştirakçıların ailə üzvləri və yaxınları üçün əlavə vəsait ayrılmır. Əgər ailə üzvlərinizdən kimsə sizinlə gəlmək istəsə, onların bütün xərclərinin ödəyə bilmələri üçün kifayət qədər vəsaitləri olmalıdır.