Artıq seçdiyiniz peşədə kifayət qədər təcrübəyə maliksiniz? Təhsilinizi Britaniyada davam etdirmək üçün maliyyə köməyi istərdiniz? Elə isə Britaniya Çivninq Təqaüdü sizə uyğun gələr.
Britaniya Çivninq Təqaüdləri xarici tələbəlrə Birləşmiş Krallıqda təhsil alma imkanı vermək üçün təsis olunmuş mötəbər mükafatlardır. Bu təqaüdlər Britaniya Xarici və Krallıq işləri İdarəsi (FCO) tərəfindən maliyyələşdirilir. Onlar, Azərbaycan daxil olmaqla, 150-dən çox ölkədə təqdim olunur və bütün dünyada gələcək liderlər, idarəçi və mütəxəssilərə Birləşmiş Krallıqla yaxından tanış olmaq və ölkələrinə fayda verə biləcək peşə səviyyəsinə yiyələnmək imkanı verir.
Təqaüdlərin əksəriyyətində bir illik Magistr kursu və ya ona ekvivalent bir kurs nəzərdə tutulur. 3 aydan 6 aya qədər davam edən qısa məzuniyyət kursları üçün də maliyyə yardımı verilə bilər. Azərbaycanda 1993-cü ildən bəri Britaniya Çivninq Təqaüdləri proqramı çərçivəsində Birləşmiş Krallıqda 50-dən artıq təqaüdçü təhsil alıb. 2007/2008 tədris ilində Azərbaycandan daha dörd nəfər təqaüdçü Birləşmiş Krallıqda təhsil alır.
Çivninq təqaüd proqramına ali təhsilli (bakalavr), ən azı 3 il öz sahəsində iş təcrübəsi olan, uzun müddət ərzində Azərbaycandan və ya keşmiş Sovet İttifaqından kənarda təhsil almayan/yaşamayan və yaxşı ingilis dili biliyi olan şəxslər müraciət edə bilərlər. Aşağıda göstərilən sahələrdə tələbələrlə xüsusi olaraq maraqlanırıq:
 |
 |
|
Beynəlxalq əlaqələr |
|
|
|
İnsan haqları |
|
|
|
Beynəlxalq təhlükəsizlik |
|
|
|
Beynəlxalq hüquq |
|
|
|
İqtisadiyyat |
|
|
|
Ətraf mühit və iqlim mühafizəsi |
|
|
|
Münaqişələrin həlli |
|
|
|
İdarəçilik elmləri |
|
|
|
Dövlət idarəetməsi |
|
|
|
QHT idarəetməsi |
2008-2009-ci tədris ili üçün ərizə formalarını buradan yükləyə bilərsiniz. Müraciət etmək üçün son tarix 03 dekabr 2007-cı il, saat 18:00-a qədərdir. Öyrənəcəyiniz kurs peşəkar fəaliyyətinizin təşkilini inkişaf etdirməklə bilavasitə bağlı olmalıdır. Öz ərizənizdə təklifinizin, seçiləcəyiniz təqdirdə, Azərbaycana qayıtdıqdan sonra karyeranızın inkişafına necə kömək edəcəyini, gələcək planlarınızı və liderlik potensialınızı əks etdirməlisiniz.
Əgər ərizəniz yüksək səviyyədə yazılıbsa və yaxşı düşünülmüş təklif irəli sürürsə, müsahibə olunacaqsınız və əgər müvəffəq olsanız, İngilis Dilindən Qiymətləndirmə Testinə dəvət olunacaqsınız. Seçmə komitəsi sizin Çivninq proqramına namizəd kimi qəbul olunub olunmamanız barədə son qərarı verir. Peşəsində artıq öz yerini tutmuş namizədlərə üstünlük verilir.
Daha geniş məlumatı Çivninq veb-saytında tapa bilərsiniz. Əgər bir sualınız varsa, xahiş edirik, bizə müraciət etməkdən çəkinməyin.
| 
