"Çivninq" (Chevening) sözü Birləşmiş Krallıqda mötəbər təqaüd anlayışının sinonimidir

Britaniya Çivninq Təqaüdü proqramı 1983-cu ildə təsisi olunmuş, sonra Xarici və Krallıq İşləri İdarəsinin Təqaüd və Mükafatlar Proqramı (Foreign and Commonwealth Office Scholarships and Awards Scheme - FCOSAS) adı altında tınınmışdır. Proqramın adı 1994-cü ildə Daqlas Hörd, o vaxtkı Xarici və Krallıq İdarəsi işləri üzrə Dövlət Katibinin şəxsi göstərişi ilə dəyişdirilmişdir. O, təqaüdün adını Xarici İşlər nazirinin Kentdə rəsmi yay evi olan Çivninq Hausun adına dəyişməyi qərara almışdır.

Çivninq Haus 1615-1630-cu illərdə tikilmişdir, gözəl kitabxana, dəyərli rəsm əsərləri, mebel və qobelenlər kolleksiyasına malikdir. Bütün bunlar Evin əvvəlki sahibləri, Stənhoup ailəsi tərəfindən xalqa hədiyyə olunmuşdur.

Çivninq təqaüdçülər Birləşmiş Krallıqda ən azı 3 ay təhsil almalıdırlar. Təqaüdçülərin çoxunun ilkin dərəcəsi olur və əksəriyyət Magistr dərəcəsi üçün təhsil alır. Buna baxmayarıq, bəzi təqaüdçülər bu qədər uzun müddətə iş fəaliyyətindən ayrı düşə bilmirlər və qısa kurslar üçün ərizələri də, kifayət qədər maraqlı və uyğun olduğu halda, nəzərdən keçiririk.

Biz bakalavr kurslarını maliyyələşdirmirik, PhD və MPhil doktor dərəcələrini nəzərdən keçirmirik. Növbəti sahələrdə tələbələrlə xüsusi olaraq maraqlanırıq:

			Beynəlxalq əlaqələr
			İnsan haqları
			Beynəlxalq təhlükəsizlik
			Beynəlxalq hüquq
			Aqrar inkişaf və kənd təsərrüfatı biznesi
			İnkişaf İqtisadiyyatı
			Ekoloji siyasət və idarəetmə
			Avropaşünaslıq
			İdarəçilik elmləri
			Dövlət idarəetməsi
			QHT idarəetməsi

Digər sahələrlə maraqlanan namizədlər də nəzərdən keçiriləgcək, lakin yuxarıda göstərilən mövzularda kursları öyrənə biləcək ali təhsilli mütəxəssislərə üstünlük veriləcək.

Təhsil aldığınız müddətdə ailə üzvlərinizi Birləşmiş Krallığa gətirməməyinizi təkidlə məsləhət görürük. Vaxtınızın çoxu ixtisasınızı artırmaq üçün oxuyaraq keçəcək. Tədris mövsümü çox gərgin keçir və bütün diqqətinizi buna yönəltməniz vacibdir.

Çivninq təqaüdləri subay adamlar üçün təşkil olunub və həyat yoldaşınız, uşaqlarınız və başqə yaxınlar üçün əlavə ödənişlər nəzərdə tutulmayıb. Verdiyimiz məvacib sizə Britaniyalı subay tələbənin həyat səviyyəsində yaşamaq imkanı vermək üçün hesablanıb.

1. Bir ədəd fotoşəkil əlavə edilmiş və tamamlanmış ərizə forması
2. Professorunuz və ya işdəki rəhbəriniz tərəfindən verilmiş iki ədəd rəy məktubu. Rəy məktubları imzalanmış olmalı və həmin məktubu verən şəxsin adı, ünvanı və telefon nömrəsi göstərilməlidir. Əgər rəy məktublarınız Azərbaycan dilində yazılıbsa, onların notariusda təsdiq olunmaq şərtilə ingilis dilinə tərcümə edilmiş variantları təqdim olunmalıdır.  Tərcümə edilmiş sənədlərdə tərcümənin dəqiqliyini təsdiq edən möhür olmalıdır. Ərizə verənlər özləri öz tərcümələrini təsdiqləyə bilməzlər.
3. Ali təhsil müəssisəsi tərəfindən sizə verilmiş müvəffəqiyyət cədvəlinin (qiymətləriniz əks olunmuş cədvəl) surəti - notarius tərəfindən təsdiqlənmək şərtilə. Sizin oxuduğunuz hər bir ali təhsil müəssisəsindən belə bir müvəffəqiyyət cədvəli təqdim etməyiniz tələb olunur. Hər bir müvəffəqiyyət cədvəlində onu təqdim edən şöbənin/fakültənin möhürü olmalıdır. Bu proqramın şərtlərinə əsasən müvəffəqiyyət cədvəlində diplom almaq üçün hansı əsas kursları keçdiyiniz, hər bir kursa neçə saat vaxt ayrıldığı və həmin kurslardan aldığınız qiymətlər göstərilməlidir.
4. Müvəffəqiyyət cədvəlinin ingilis dilinə tərcüməsi - notariusda təsdiq olunmaq şərtilə. Ərizə verənlər özləri öz tərcümələrini təsdiq edə bilməzlər.
5. Ali təhsil müəssisələri tərəfindən sizə verilmiş bütün diplomların surəti - notarusda təsdiqləmək şərtilə. Hər bir diplomda onu təqdim edən şöbənin/fakültənin möhürü olmalıdır.
6. Diplomlarınızın ingilis dilinə tərcüməsi - notariusda təsdiq olunmaq şərtilə. Ərizə verənlər özləri öz tərcümələrini təsdiq edə bilməzlər.
7. IELTS testinin nəticələrinin surəti (əgər əvvəllər bu testi veribsinizsə)
8. İngilis dilində tərcümeyi-halınız (CV, təhsiliniz və iş təcrübəniz göstərilməklə)
9. Sağlamlıq haqqında doldurduğunuz forma

Ərizə formasına bütün tələb olunan sənədlər əlavə olunmalıdır. Ərizə formaları elektron variantda qəbul olunmur. Son müraciət tarixindən sonra təqdim olunan sənədlər qəbul olunmur. Müsabiqə sona çatdıqdan sonra sənədlər ərizəçiyə geri qaytarılmır.

Çivninq proqramı çərçivəsində ərizə formalarında göstərilən məlumat yoxlanıla bilər. Əgər hər hansı yanlış məlumat aşkar olunarsa ərizəçi proqramdan kənarlaşdırılacaqdır. Tamamalanmamış ərizələr nəzərə alınmayacaq.