2007-ci ilin mart ayında tanınmış Britaniya yazıçısı Romeş Qunesekera Azərbaycana gəlmişdi. Səfərin məqsədi Britaniya ədəbiyyatını gənclər arasında yaymaq və yazılarda mədəniyyətlər arası dialoqa ayrılan yer haqqında faydalı fikirlərlə bölüşmək idi. Bakıya səfər çərçivəsində yazıçı mart ayının 29-u Azərbaycan Dillər Universitetində tələbələrlə və 134 N-li məktəbdə Bakı şəhərindən olan məktəblilərlə görüş keçirdi.
Müəllif həmçinin gənc, yenicə yazmağa başlayan və ya yazıcı olmaq arzusu olan və öz potensialını aşkar etmək istəyən şəxslərə bədii yazı mövzusunda seminar keçirdi. Intensiv şəkildə praktiki çalışmalar və qrup müzakirələr vasitəsilə keçirilən seminarda iştirak edib yazını necə başlamaq və bitirmək, eləcə də bədii ədəbiyyatın əsas elementləri haqqında daha geniş öyrənmək mümkün idi. İştirakçılar göndərdikləri qeydiyyat forması əsasında seçilmişdilər.
Romeş Qunesekera Şri Lankada anadan olub Londonda yaşayir. Yazıçı BBC-nin Yazı və Ədəbiyyat sahəsində Asiya Mükafatı və İtaliyanın Premio Mondello Five Continents kimi mükafatları ilə təltif olunmuşdur. Onun ilk kitabı 1994-cü ildə dünyanın möhtəşəm Booker Prize mükafatına nominasiya olunmuşdur.
| 
