Əgər siz ingilis dilini öyrənirsinizsə, oxumağı, yazmağı, rəsm çəkməyi, müsabiqə və sorğuları sevirsinizə, o zaman Ümumdünya Kitab Günü bizimlə qeyd edin.
Ümumdünya Kitab Günü kitabları və mütaliəni təbliğ edən böyük bir tədbirdir. Biz bazar günü 12 mart 2006-cı il tarixində saat 11.00-dən 15.00-dək bu günü qeyd edəcəyik. Bu gün sizi bir sıra maraqlı tədbirlər gözləyir: yeni kitab sərgiləri, hamı üçün nəzərdə tutulan “Düzgün kitabı necə seçməli” sessiyası, valideynlər və müəllimlər üçün nəzərdə tutulmuş “Hekayə söyləmə məşğələsini necə təşkil etməli” sessiyası, uşaqlar üçün hekayə söyləmə sessiyaları, kitab əlfəcini düzəltmə yarışması, xəzinə axtarışı müsabiqəsi, ədəbi sorğular. Çoxlu prizlər, uduşlar və əyləncə yağışı sizi gözləyir!
Siz və ya sizin uşağınız oxumağı, yazmağı və ya rəsm çəkməyi sevir? Əgər bu suallardan hər-hansı birinə cavabınız müsbətdirsə, o zaman bizim müsabiqələrimizdə iştirak edərək dəyərli hədiyyələr qazana bilərsiniz. Öz sevimli kitabınız barədə şərh yazmaqla Kitab Şərhi müsabiqəsinə, sevimli kitabınızın mövzusuna rəsm çəkməklə isə Kitab İllüstrasiyası müsabiqəsinə qoşula bilərsiniz.
Əgər yaşınız 10-dan yuxarıdırsa, ingilis dilində 500 sözdən çox olmamaq şərti ilə kitabın yazı üslubunda xoşunuza gələn cəhət barədə yazın; kitabın sizə nə cür təsir etdiyini və bunun səbəbini açıqlayın; öz fikrinizi ifadə edin və başqalarını da bu kitabı oxumağa həvəsləndirin.
Əgər yaşınız 16-dan azdırsa, öz sevimli kitabınızdan bir səhnə və ya sevimli qəhrəmanınızın rəsmini çəkin.
Kitab Şərhi müsabiqəsinə uşaqlar və gənclər, Kitab İllüstrasiyası müsabiqəsinə isə 5-16 yaşlı uşaqlar qoşula bilərlər.
Ad və soyadınızı, yaşınızı, oxuduğunuz/işlədiyiniz yeri, əlaqə telefonlarınızı qeyd etməklə hazırladığınız Kitab Şərhi/Kitab İllüstrasiyasını bizim ofisə gətirə və ya infocentre@britishcouncil.az elektron ünvanına göndərə bilərsiniz.
Son qəbul tarixi 7 mart 2006-cı ildir.
